( முஜாஹித்)
அட்டாளைச்சேனை நுஸ்ரத் பாலர் பாடசாலையின் 2014ம் ஆண்டுக்கான விடுகை விழா பாடசாலை முன்றலில் பாடசாலையின் அதிபர் கு. முகம்மது பர்வின் தலைமையில் நடைபெற்றது.

மாணவர்களின் கல்விக்கு சிறப்பான அத்திவாரமிடும் இப்பாலர் பாடசாலைக்கு தன்னாலான உதவிகளை செய்து தருவேன் அதுமட்டுமன்றி இவ்வாறான நிகழ்வுகள் நடைபெறுகின்ற போதே மாணவர்கள் ஒரு சிறந்த பிரஜையாக நம் சமூகத்திற்கு வருவார்கள் என கிழக்கு மாகாண வீதி அபிவிருத்தி நீர்ப்பாசன அமைச்சரின் பொதுமக்கள் தொடர்பு அதிகாரி  ஜஃபர் பிரதம அதிதியாக கலந்து கொண்டு பேசுகையிலே மேற்கண்டவாறு தெரிவித்தார்.

இந் நிகழ்வில் மாணவர்களின் கலை கலாசார நிகழ்வுகள் நடைபெற்றதுடன் அவர்களின் திறமைகளும்; வெளிக்கொணரப்பட்டன அத்துடன் மாணவர்களுக்கு அதிதிகளால் பரிசுகளும்; வழங்கி வைக்கப்பட்டதுடன் பாலர் பாடசாலையின் மாணவர்களுக்கு சிறந்த கல்வியை வழங்கிய ஆசிரியைக்கு மாணவர்களின் பெற்றோர்களால் பொன்னாடை போர்த்தி கௌரவிக்கப்பட்டது

இந் நிகழ்விற்கு கிழக்கு மாகாண வீதி அபிவிருத்தி நீர்ப்பாசன அமைச்சரின் இணைப்புச் செயலாளர்  சைபுடீன் கிழக்கு மாகாண பாலர் பாடசாலையின் அம்பாரை மாவட்ட பிரதிப்பணிப்பாளர். இப்றாகிம் -- சம்மாந்துறை பிரதேச உதவி ஆசிரிய ஆலோசகர் நஜாஸ் மற்றும் மாணவர்களின் பெற்றோர்கள் உட்பட உயர் அதிகாரிகளும் முக்கியஸ்தர்களும் கலந்து கொண்டனர்.





ஆப்பிரிக்க நாடுகளுள் ஒன்றான கென்யாவின் தலைநகர் நைரோபியில் நேற்று காலை பயணிகள் பேருந்து ஒன்று சென்றுகொண்டு இருந்தது. இந்த பேருந்தில் 60 பயணிகள் பயணம் செய்து கொண்டிருந்தனர். இந்த பேருந்து சோமாலியா நாட்டின் எல்லைப்பகுதியில் உள்ள மந்தேரா என்ற கிராமம் அருகே பஸ் வந்தபோது, பேருந்தை திடீரென வழிமறித்த அல் சஹாப் என்ற இயக்கத்தை சேர்ந்த தீவிரவாதிகளும் துப்பாக்கிகள் போன்ற பயங்கர ஆயுதங்களுடன் பேருந்தை கடத்தி சென்றனர். இதனால் அந்த பகுதியில் பெரும் பதட்டம் ஏற்பட்டது.

பேருந்து கடத்தப்பட்ட தகவல் அறிந்ததும் பயணிகள் கடும் அதிர்ச்சி அடைந்தனர். பின்னர் தீவிரவாதிகள் பேருந்தில் இருந்த 28 பேர்களை தேர்வு செய்து அவர்களை ஈவு இரக்கமின்றி துப்பாக்கியால் சுட்டு கொலை செய்து பேருந்தில் இருந்து அவர்களை பிணங்களை வீசி எறிந்தனர். கொலை செய்யப்பட்ட அனைவரும் கிறிஸ்துமஸ் திருவிழாவை கொண்டாடுவதற்காக நைரோபிக்கு சென்று கொண்டிருந்த சமூக ஆர்வலர்கள் என்பது குறிப்பிடத்தக்கது.

சோமாலியாவில் தீவிரவாதிகள் தொடர்ந்து தாக்குதல் நடத்தி வருகிறார்கள். இவர்களை ஒடுக்கும் வகையில் அண்டை நாடான கென்யா தனது படையை அங்கு அனுப்பி உள்ளது. இதற்கு பதிலடி கொடுக்கும் வகையில் கடந்த 2011-ம் ஆண்டு முதல் சோமாலிய தீவிரவாதிகள் கென்யாவில் தொடர்ந்து தாக்குதல் நடத்தி வருவது குறிப்பிடத்தக்கது.
நைஜீரியாவில் 48 மீன் வியாபாரிகளை போகோ ஹராம் தீவிரவாதிகள் சுட்டுக்கொன்றுள்ளனர்.

நைஜீரியாவில் அட்டூழியம் புரிந்துவரும் போகோ ஹராம் தீவிரவாதிகள், வடகிழக்கு நைஜீரியா மற்றும் சாட் நாட்டு எல்லைப்பகுதியை வழிமறித்தனர்.
இவர்கள், அங்கிருக்கும் மீன்பிடி கிராமமான டோரான் பாகா பகுதிக்கு வியாபாரத்துக்காக மீன் வாங்கச் சென்ற 48 பேரை கடந்த வியாழக்கிழமை சுட்டுக் கொன்றதாக உள்ளூர் மீன் வியாபாரிகள் சங்கத் தலைவர் இன்று தெரிவித்துள்ளார்.
இனி எவரும் சுதந்திரக் கட்சியை விட்டு எதிரணிக்கு செல்லமாட்டார்கள் என மின்சக்தி எரி சக்தி அமைச்சர் பவித்ரா தெரிவித்துள்ளார்

 கொழும்பில் நேற்று  இடம்பெற்ற ஊடகவியலாளர் சந்திப்பிலேயே அவர் இவ்வாறு குறிப்பிட்டுள்ளார்.

முன்னாள் பொதுச் செயலாளர் மைத்திரிபால சிறிசேனபோல் இனி எவரும் சதிகளில் சிக்கி,  லங்கா சுதந்திரக் கட்சியை விட்டு செல்ல மாட்டார்கள்

மைத்திரிபால சிறிசேன கட்சியைக் காட்டிக் கொடுத்துள்ளது மட்டுமல்ல ரணில் விக்ரமசிங்கவை அதிகாரத்திற்கு கொண்டு வருவதில் ஒரு பகடைக்காய் மத்திரமே என அமைச்சர் பவித்ரா வன்னியாராச்சி, சுட்டிக்காட்டினார்.

மேலும் இம்முறையும் ஜனாதிபதி மஹிந்த ராஜபக்ஷ 25 இலட்சம் வாக்குகள் வித்தியாசத்தில் பெரும் வெற்றி பெற்று மீண்டும் ஜனாதிபதியாக தெரிவு செய்யப்படுவார் எனவும் குறிப்பிட்டுள்ளார்.



வெற்றி பெறுபவருக்கே நாம் வாக்களிப்போம்.இதனால் நாம் ஜனாதிபதி மஹிந்த ராஜபக்ஷவிற்கே ஆதரவு தெரிவிப்பதாக தொழிலாளர் தேசிய சங்கத்தின் தலைவரும் நுவரெலியா மாவட்ட பாராளுமன்ற உறுப்பினரும், பிரதி அமைச்சருமான பழனி திகாம்பரம் தெரிவித்துள்ளார்.

இன்று (23) ஹட்டனில் நடைபெற்ற கூட்டத்திலேயே அவர் இவ்வாறு குறிப்பிட்டார்.


மீண்டும் அவரே மூன்றாவது முறையாகவும் ஜனாதிபதியாகுவார், என்று திகாம்பரம் தெரிவித்தார்.
      இதே போல் தான் மற்றும் தனது தந்தையான ரத்னசிறி விக்ரமநாயக்கவும் தொடர்ந்தும் தற்போதைய ஜனாதிபதி மஹிந்த ராஜபக்ஷவுக்கே ஆதரவு வழங்க தீர்மானித்துள்ளதாக, பாராளுமன்ற உறுப்பினர் விதுர விக்ரமநாயக்க தெரிவித்துள்ளார்.

ஹோரண பிரதேசத்தில் இடம்பெற்ற நிகழ்வொன்றில் கருத்து வௌியிட்ட போதே விதுர விக்ரமநாயக்க இவ்வாறு குறிப்பிட்டுள்ளார்.

(தந்திமகன்)
ஜனாதிபதித்தேர்தலுக்கான சகல நடவடிக்கைளும் ரெடி. ஆளும் ஐக்கிய மக்கள் முன்னணியின் வேட்பாளராக களமிறங்கும் இன்றைய நாட்டின் தலைவர் மேதகு மகிந்த ராஜபக்ஷ அவர்களுக்கு எதிராக போட்டியிடுவதற்கு பொது எதிரணிகள் ஒன்றிணைந்து ஒருவரை இனங்காண்பதில் இழுபறி நிலை தோன்றியுள்ளது. இருந்தாலும் முன்னாள் ஜனாதிபதியும்- இன்றைய ஆளும் கட்சியின் பிரதான கட்சியான சுதந்திரக் கட்சியினை ஸ்தாபித்தவரின் மகளுமான சந்திரிக்கா அம்மையார் பொது எதிரியை வீழ்த்தும் நோக்குடன் தனது பெற்றோரினால் உருவாக்கப்பட்டு ஐம்பது ஆண்டுகளுக்கும் மேலாக கட்டிக் காத்துவந்த கட்சியையும்- அதன் தலைமைகளையும் வீழ்த்துவதற்கு கங்கணம் கட்டியுள்ளமை ஆளும் கட்சிக்குள் பல்வேறு தோற்றப்பாடுகளை தோற்றுவித்துள்ளதாக கூறப்படுகின்றது.

ஏனெனில் ஸ்ரீகொத்தாவில் பச்சைநிற மாலைகள் குவிகின்றன. காரணம் ஆளும் கட்சியிலிருந்து பலர் வெளியேறி ஐக்கிய தேசியக் கட்சியில் சங்கமிக்கப்போவதாக தகவல்கள் எட்டியுள்ள நிலையில் அதற்கு முன்னோடியாக கம்பஹா மாவட்ட பாராளுமன்ற உறுப்பினர் வசந்த சேனாநாயக்க ஐக்கிய மக்கள் சுதந்திரக் கூட்டமைப்பிலிருந்து விலகி ஐக்கிய தேசியக் கட்சியூடன் இணைந்து கொண்டார். 

உள்ளேவருவதும்- வெளியேறுவதும் அரசியல் கட்சிகளுடையே பொதுவாக காணப்பட்டாலும் தேர்தல் காலத்தில் இவை நடைபெறுகின்றபோது எதிரணிக்கும்- ஆளுகின்ற அணிக்கும் இடையில் தர்மசங்கடத்தைத் தோற்றுவித்துவிடுகின்றது. ஆளும் கட்சியிலிருந்து அனைத்தையும் அனுபவித்துவிட்டு தேர்தல் நெருங்குகின்றபோது கட்சிமாறி மீண்டும் வெல்கின்றவர்களுடன் கைகோர்த்து மீண்டும் அதே ராஜபோக வாழ்க்கையை அனுபவிக்கின்றனர். மக்களும் இதனைப் பார்த்து மகிழ்கின்றனர். அவர்களுக்கே வாக்களிக்கவும் செய்கின்றனர். மக்களை நன்றாக ஏமாற்றி தன்னை வளர்த்துக் கொள்ள ஆயிரம் பொய்களுடன் தன்னுடைய தேர்தல் தொகுதிக்கு வந்து இருந்த கட்சியை விமர்சிக்கின்ற நிலைமை காலம்காலமாகவே நடைபெற்று வருகின்றன.

இன்றும் அதேநிலை இன்றும் தோன்றியுள்ளது. கடந்த பல வருடங்களாக ஆளும் கட்சிக்குள் இருந்து அனுபவித்துவிட்டு மக்கள் ஆதரவற்ற நிலைஇ ஹெல உறுமய கட்சியினர் ஆளும் கட்சியிலிருந்து வெளியேறியமை போன்ற காரணங்களை தனக்கும் சாதகமாகப் பயன்படுத்தி வெளியேறுகின்ற பாராளுமன்ற உறுப்பினர்களை அடுத்துவரும் தேர்தலின்போது மக்கள் சரியான பாடம் புகட்டவேண்டும். ஆனால் இது நடைபெறுவது என்பது வெள்ளிடைமலை. உண்மையில் ஆளுகின்றவர்களுடன் இணைந்து தலையாட்டிவிட்டு மக்களின் பக்கமே வருகை தராமல் இருப்பது மட்டுமன்றி மீண்டும் மக்களை ஏமாற்றி வெற்றியீட்டும் தந்திரோபாயத்தை மக்கள் கண்டுகொள்ள வேண்டும். புதியவர்களை அரசியலில் நுழையவைத்து அவர்கள் ஊடாக மக்களுக்குரிய சேவைகளை செய்வதற்கு மக்கள் தீர்மானம் எடுக்க வேண்டும்.

இன்று இலங்கைவாழ் சிறுபான்மையினரில் ஒருசாராரான முஸ்லிம்கள்; விடயத்தில் ஹெல உறுமய கட்சியினர் குறிப்பாக சம்பிக்க ரணவக்க போன்றௌர் முஸ்லிம் தலைவர்களையும்- அவர்கள் அரசுடன் இருப்பதையும் கடந்தகாலங்களில் கடுமையாக விமர்சித்திருந்தார்கள். இன்று ஆட்சியாளர்களை விட்டு விலகிவிட்டனர். முஸ்லிம்கள் மீதும்- அவர்களின் வணக்க ஸ்தலங்கள்மீதும்- வர்த்தக நிறுவனங்கள் தொடக்கம் ஹலால் ஹறாம் பர்தா- தொப்பி ஏன்? இந்நாட்டில் முஸ்லிம்கள் வாழ வந்தவர்களே அல்ல என்று கூறும் அளவுக்கு பௌத்த மதவாதிகளுடன் கைகோர்த்திருந்த இவர்கள் இன்று அரசிற்கு எதிராக பேசுகின்றனர். கடந்த வியாழன் அன்று பொரளை கோதமி வீதியிலுள்ள நாடாளுமன்ற உறுப்பினர் ரத்னதேரரின் விகாரையின் மீது இனந்தெரியாத நபர்கள் கல்வீச்சு தாக்குதலை நடத்தியிருந்தியிருந்தார்கள் எனவும் தகவல்கள் தெரிவித்தன. இங்குவீசப்பட்டதாகக் கூறப்படுகின்ற ஒருவிகாரையே. ஆனால் கடந்த காலங்களில் எத்தனையோ பள்ளிவாசல்களில் கற்கள் வீசப்பட்டன. பன்றி இறைச்சி வீசப்பட்டன. இன்று நிலைமைகள் தலைகீழாக மாறியுள்ளமைக்கு அரசியல்வாதிகளே காரணமாகின்றனர். மக்கள் அரசியல் வாதிகளை நம்பி ஏமாறாதீர்கள். உங்கள் வாக்குகளை நிதானித்து வழங்குங்கள்.

அதேவேளை ஆளும் கட்சியுடன் இணைந்துள்ள முஸ்லிம்களின் பிரதான ஸ்ரீலங்கா முஸ்லிம் காங்கிரஸ் யாருக்கு ஆதரவினை வழங்குவது என்பதில் இன்னும் இழுபறிநிலையிலேயே இருப்பதாக செய்திகள் தெரிவிக்கின்றன. அதேவேளை முஸ்லிம் மக்களின் பிரச்சினைகளுக்கான தீர்வுஎட்டப்படும் என அரசாங்கம் உறுதியளித்துள்ளதாகவும்- அதனை எந்தளவுக்கு நம்பிக்கை கொள்ளவேண்டும் என்பது அரசாங்கத்தின் தீர்மானங்களை பொறுத்தே ஜனாதிபதி தேர்தலில் யாருக்கு ஆதரவு என்கிற முடிவு எடுக்கப்படும் எனவூம்இ அதுவரையில் ஸ்ரீலங்கா முஸ்லிம் காங்கிரஸ் எவருடனும் கூட்டுச்சேர முடிவெடுக்கவில்லை எனவும் தெரிவிக்கப்படுகின்றது.

ஜனாதிபதி தேர்தலில் தமது நிலைப்பாடு ஸ்ரீலங்கா முஸ்லிம் காங்கிரஸின் பொதுச் செயலாளர் ஹசன் அலி எம்.பி. குறிப்பிடுகையில்- முஸ்லிம் மக்களின் பிரச்சினைகளுக்கு தீர்வு எட்டப்பட வேண்டும். தொடர்ச்சியாக பேச்சுவார்த்தைகள் நடத்துவதனால் பலன் எதுவூம் கிடைக்கப்படவில்லை. 2005 ஆம் ஆண்டு அரசுடன் கூட்டுச்சேரும் போது ஸ்ரீலங்கா முஸ்லிம் காங்கிரஸ் சில கோரிக்கைகளை முன்வைத்தது. அவை இன்னும் முழுமைப்படாத காரணத்தினால் தொடர்ச்சியாக அரச தரப்புடன் பேச்சுவார்த்தைகளில் ஈடுபட்டோம். சில நாட்களுக்கு முன்னரும் அரச தரப்பினருடன் பேச்சுவார்த்தை நடத்தி எமது கோரிக்கைகள் தொடர்பில் பேசினோம். எமது கோரிக்கைகளை ஜனாதிபதியுடன் கலந்துரையாடி முடிவெடுப்போம் என தெரிவித்துள்ளார்.

அதேபோல் உள்ளுhராட்சிமன்ற தீர்மானங்கள் நிறைவேற்றப்பட்டுள்ளது. கரையோர பிரதேசப் பிரச்சினைகளுக்கான தீர்வு எட்டப்படவுமுள்ளது. இவ்வாறானதொரு நிலையில் அரசாங்கத்தை உதாசீனப்படுத்த முடியாது. எது எவ்வாறு இருப்பினும் இன்னமும் நாங்கள் ஜனாதிபதி தேர்தல் தொடர்பில் இறுதித் தீர்மானம் எதுவும் எடுக்கவில்லை. வாக்குறுதிகள் கொடுப்பதை விடவூம் அவற்றினை உடனடியாக நிறைவேற்ற வேண்டும். அதுவரையில் ஆதரவூ யாருக்கு என்பது தீர்மானிக்கப்படாது. அதேபோல் மக்கள் விடுதலை முன்னணியூடனும் பேச்சுவார்த்தைகளை மேற்கொண்டிருந்தோம். இதில் எவருடனும் கூட்டுச்சேரும் வகையில் பேசவில்லை. எமது நிலைப்பாடு என்ன? நாங்கள் அடுத்து என்ன செய்யப் போகின்றௌம் என்பவற்றையே பேசினோம். பொது கூட்டணியில் களமிறங்குவது அல்லது எதிரணியினை ஆதரிப்பது என்ற எந்தவொரு முடிவும் நாம் எடுக்கவில்லை எனவூம் அவர் குறிப்பிட்டிருந்தார். இது இன்றைய அரசியலில் ஸ்ரீலமுகாவினரின் இறுதியான அறிவித்தல் அதாவது பொதுமுன்னணி வேட்பாளர் அறிவிக்கப்பட்டதன் பின்னர் முக்கியமான கோரிக்கைகளை முன்வைத்து ஏற்றுக் கொள்கின்ற வேட்பாளர் பக்கம் இவர்களது தராசு கதிக்கும் என்பதுதான் ஸ்ரீலமுகாவின் நிலைப்பாடு.

அதேவேளை கல்முனைப் பிரதேச அரசியலில் முக்கியத்துவம் பெற்றுள்ள ஸ்ரீலமுகாவினர்களிடையே மீண்டும் ஒரு கொந்தளிப்பு ஒன்று ஏற்பட்டுள்ளதாக கல்முனைப் பிரதேச ஊடகம் ஒன்று ஜெமீல்இ நிஸாம் காரியப்பர் மீதான அவதூறு செய்தி: பின்னணியில் மு.கா. வின் பெரும் புள்ளி; சதி அம்பலம்; கதை எனும் தலைப்பில் கட்டுரை ஒன்றை வெளியிட்டுள்ளது. இது தொடர்பாக தெரியவருவதாவது:

கிழக்கு மாகாண முதலமைச்சர் பதவியை அம்மாகாண சபையின் மு.கா. குழுத் தலைவர் ஏ.எம்.ஜெமீலுக்கு வழங்குமாறு கோரி கல்முனை மேயரும் ஸ்ரீலங்கா முஸ்லிம் காங்கிரஸ் பிரதிச் செயலாளருமான நிசாம் காரியப்பர்- மு.கா. தலைவர்- அமைச்சர் ரவூ+ப் ஹக்கீமுடன் வாய்த்தர்க்கப்பட்டதாகவும் இதன்போது பெரும் அமளி துமளி ஏற்பட்டதாகவூம் ஒரு இணையத் தளத்தில் பிரசுரமான செய்தியின் பின்னணியில் அக்கட்சியின் முக்கிய பெரும் புள்ளி ஒருவர் இருப்பதாக தெரிய வந்துள்ளது. குறித்த பெரும் புள்ளியுடன் தொடர்புடைய ஊடகவியலாளர் ஒருவரே இச்செய்தியை இணையத் தளங்களுக்கு அனுப்பி வைத்துள்ளார் என்பதும் இப்போது வெளிச்சத்திற்கு வந்துள்ளதாகவும் அக்கட்டுரையில் எழுதப்பட்டுள்ளது. இன்று நாட்டில் ஜனாதிபதித் தேர்தல் நடைபெறப்போகின்றது. கிழக்கின் முகவெற்றிலை எனப்படும் கல்முனைக் கரையோர மாவட்டக்கோரிக்கை சம்பந்தமாக அரசுடன் பேசி தீர்வொன்றை காண முயற்சிக்கும் நேரத்தில் தேவையற்ற விடயங்களை பேசிக் காலத்தை வீணடிப்பதை தவிர்த்து இன்றுள்ள அரசியல் நிலைமைகளை மக்கள் மத்தியில் எவ்வாறு கொண்டு செல்லவேண்டும் என்பதையும்- தலைமைகள் சிந்திக்க வேண்டும்.

கட்சிக்குள்ளே இருக்கின்ற சில்லறைப் பிரச்சினைகளை ஒருபுறம் வைத்துவிட்டு நாடும்- நாட்டு மக்களும் இன்று தேர்தல் ஒன்றுக்குத் தயாராகி வருகின்ற வேளையில் நாட்டுவாழ் மக்கள் அனைவருக்கும் நிவாரணம் கிடைக்கும் வண்ணம் மேற்கொள்ளப்பட்டுள்ள பல்வேறு நிவாரணங்கள் தேர்தலை முன்னிட்டு வழங்கப்பட்டு வரும் இவ்வேளையில் முஸ்லிம் அரசியல்வாதிகளும்சரிஇ தமிழ் அரசியல்வாதிகளும் சரி தம்மிடையே காணப்படும் முரண்பாடுகளை தவிர்த்துவிட்டு தேசிய அரசியலில் இன்றுள்ள அதிகாரத்தை பயன்படுத்தி தமது சமுதாயத்திற்கு என்ன செய்யலாம் என்பதை சிந்திப்பதுடன்இ எதிர்காலத்தில் நமது மக்களினதும் நிலைமைகள் என்ன என்பதையூம் சிந்தித்து செயற்படுவதில்தான் வெற்றி தங்கியூள்ளது என்பதையூம் நினைவிற் கொண்டு எதிர்வரும் ஜனாதிபதித் தேர்தலை மக்கள் எதிர்கொள்வதற்குரிய நிலைப்பாட்டினை சரியான முறையில் வழங்குவதற்கு மக்களின் தலைமைகள் சரியான முடிவினை வழங்குவதற்கு தங்களை தயார்படுத்தவேண்டும் என்பதே மக்களின் பக்கம் இருந்து தொடுக்கப்படுகின்ற கோரிக்கையாகும்.
(அபூஇன்சாப்)
அம்பாறை மாவட்டத்தின் மத்திய முகாம் ஜூம்மா பள்ளிவாசலில் இயங்கி வருகின்ற ‘மக்தப் ஹிப்லு மதரசா’ மாணவா்களுக்கான கிதாபுக்கள் அடங்கிய கற்றல் உபகரணப் பொதிகள் வழங்கும் நிகழ்வு நேற்று (22) மத்திய முகாம் ஜூம்மா பள்ளிவாசலில் மக்தப் ஹிப்லு மதரசாவின் அதிபா் எம்.சீ.பயாஸ் தலைமையில் நடைபெற்றது.

பிரபல சமூக செவையாளரும் மைஹோப் மற்றும் ஐவா தனியா்; தாதியா் பயிற்சிக்கல்லுாரியின் முகாமைத்தவப் பணிப்பாளருமான லயன் சித்தீக் நதீர் (எம்.ஜே.எப்) அவா்களின் சொந்த நிதி ஒதுக்கீட்டின் மூலம் 75 மதரசா மாணவா்களுக்கு இந்த கற்றல் உபகரணங்கள் வழங்கி வைக்கப்பட்டன.

இந்த நிகழ்வில் பிரதம அதிதியாக பிரபல சமூக சேவையாளரும் மைஹோப் மற்றும் ஐவா; தாதியா; பயிற்சிக்கல்லுாரியின் தலைவா் லயன் சித்தீக் நதீர் (எம்.ஜே.எப்) கலந்த கொண்டார்.

மேலும் இந்த நிகவில் அதீதிகளாக மக்தப் ஹிப்லு மதரசாவின் பணிப்பாளா; ஏ.எல்.எம்.பஸீர்- திவிநெகும அம்பாறை  மாவட்ட கண்காணிப்பு உத்தியோகத்தா் முஹம்மட் ஹனீபா- மத்திய முகாம் ஜூம்மா பள்ளிவாசல் தலைவா் எஸ்.எம்.உமா்கத்தாப்- பள்ளி வாசலின் பேஸ் இமாம் அல்ஹாபிழ் பர்ஹான்- ஏற்பாட்டாளா் றாப் லாபிர் உட்பட பலா் கலந்துகொண்டனா்.






(அத தெரண)
 ஜனாதிபதிக்கு கொடுத்த ஆதரவை பற்றி மீண்டும் சிந்திக்க வேண்டியுள்ளதாக மலையக மக்கள் முன்னணியின் பொது செயலாளர் ஏ.லோரண்ஸ் தெரிவித்தார்.

இன்று (23) ஹட்டனில் நடைபெற்ற ஊடகவியலாளர் சந்திப்பிலேயே அவர் இவ்வாறு தெரிவித்தார்.

அவர் மேலும் கருத்து தெரிவிக்கையில்.....

மலையக மக்கள் முன்னணியின் தலைவர் சந்திரசேகரன் இருந்த காலத்திலும் சரி இன்றும் சரி என்றும் சரி முக்கியமான தேர்தல் காலத்திலேயே நாங்கள் பாரிய பங்களிப்பை செய்திருக்கின்றோம். நாங்கள் சிந்தித்து பார்த்து தான் ஆதரவு கொடுப்போம்.

மக்களின் பிரச்சினைகளை முக்கியப்படுத்தி தான் ஆதரவு கொடுப்போம். அந்தவகையில் மலையக மக்கள் 200 வருடகாலமாக இன்னும் லயன் குடியிருப்புக்களிலேயே இருக்கின்றார்கள். இந்த லயன் முறையை மாற்றி காணி உரிமையோடு தனித் தனி வீடுகள் கட்டியமைப்பது தலைவர் சந்திரசேகரனின் கனவு.

தற்போது அரசியல் ரீதியில் பல மாற்றங்கள் ஏற்பட்டுள்ளது. இதனால் நாங்கள் கூறிய ஆதரவை மீண்டும் சிந்திக்க வேண்டியுள்ளது. இருக்கின்ற அரசாங்கத்திற்கு ஆதரவு கொடுப்பதா அல்லது வேறு தீர்மானத்தை எடுப்பதா என்று சிந்திக்க வேண்டியிருக்கின்றது.

இங்கு ஏற்பட்டுள்ள அரசாங்க மாற்றத்தினாலேயே இந்த நிலைமைக்கு தள்ளப்பட்டுள்ளோம். சில கட்சிகள் நிபந்தனையற்ற ஆதரவு தெரிவித்திருந்தாலும் நாங்கள் ஜனாதிபதியிடம் சில கோரிக்கைகளை முன்வைத்தே ஜனாதிபதிக்கு ஆதரவு தெரிவித்திருந்தோம்.

ஆனால் இங்கு ஏற்பட்டுள்ள மாற்றத்தினாலேயே சிந்தித்து பார்க்க வேண்டிய நிலைமையுள்ளது. என அவர் குறிப்பிட்டார்.

இந்த விடயம் குறித்து, மலையக மக்கள் முன்னணியின் அரசியல்துறை தலைவரும் நுவரெலியா மாவட்ட பாராளுமன்ற உறுப்பினரும், பிரதி அமைச்சருமான ராதாகிருஷ்ணனிடம் அத தெரண வினவியபோது, இது குறித்த கட்சியின் சந்திப்பு தற்போது நடந்து கொண்டிருப்பதாகவும், ஜனாதிபதிக்கு வழங்கிய ஆதரவை மீள்பரிசீலனை செய்யவுள்ளதாகவும் உறுதிப்படுத்தினார்.

எனினும் இதுவரை தீர்மானம் மேற்கொள்ளப்படவில்லை எனவும் அவர் சுட்டிக்காட்டினார்.
ஈராக் தலைநகர் பாக்தாத்தில் வாழும் பழங்குடியினர் ஐ.எஸ்.ஐ.எஸ் மீது தாக்குதல் நடத்த இராணுவ வீரர்களிடம் பயிற்சி பெறுகின்றனர்.
ஜனாதிபதி தேர்தல் தொடர்பில் ஏதேனும் முடிவினை அறிவிக்கும் என எதிர் பார்த்த முஸ்லிம் காங்கிரஸ் உச்சபீடம் சற்று முன் கொழும்பில் கூடிய போதும் முடிவுகள் எதுவும் இன்றி கலைந்துள்ளது.
விபரமான  செய்தி கிடைத்தது இணைப்போம்....

பிந்தியக் கிடைத்த செய்தி
(பைஷல் இஸ்மாயில்)
                 
எதிர்வரும் ஜனாதிபதித் தேர்தலில் யாரை ஆதரிப்பது தொடர்பிலான கூட்டம் கட்சியின் தலைவரும் நீதியமைச்சருமான ரவூப் ஹக்கீம் தலைமையில் இன்று (23) கொழும்பு சிலோன் சிற்றி ஹோடேலில் நடைபெற்றது.


ஸ்ரீலங்கா முஸ்லிம் காங்கிரஸின் பாராளுமன்ற மற்றும் மாகாண சபை உறுப்பினர்கள் ஆகியோர் கலந்து கொண்டு மக்களின் அபிப்பிராயங்கள், கட்சியின் எதிர்காலம், சமூக அபிலாசைகள் பற்றி கோரிக்கைகள் என்பனவற்றை முன்வைத்தனர்.
      
எனினும் எவ்வித முடிவும் இன்றி கூட்டம் கலைந்தது




காலி மாவட்டத்திலிருந்து மூன்று அரச தரப்பு பாராளுமன்ற உறுப்பினர்கள் பொது அணிக்கு தாவ உள்ளதாக இணைத்தளம் ஒன்று செய்தி வெளியிட்டுள்ளது
                       பாராளுமன்ற உறுப்பினர்களான ரமேஸ் பத்திரண-பியசேன கமகே- தென்மாகாண முதலமைச்சர் சான் விஜயலால் ஆகியோரே இவ்வாறு தாவ உள்ளதாக தெரிவிக்கப்படுகிறது


ஜனாதிபதி மகிந்த ராஜபக்ஸவை எதிர்த்து களமிறங்கவுள்ள பொது அணியின் பெயராக “அபே ஜாதிக பெரமுன” சிபரிசு செய்யப்பட்டுள்ளதாக அறிய முடிகிறது.எனினும் உத்தியோக பூர்வ தகவல் வெளியாகவில்லை
குடும்பப் பிரச்சினை காரணமாக மஹவெல - அகுரங்கொட பிரதேசத்தில் பெண் பொலிஸ் கான்ஸ்டபில் ஒருவரை தாக்கி காயப்படுத்தியதாக குற்றம்சாட்டப்பட்டு அவரது கணவர் கைதுசெய்யப்பட்டுள்ளார்.

  காயமடைந்த பெண் தற்போது மாத்தளை வைத்தியசாலையில் அனுமதிக்கப்பட்டுள்ளதாகவும் பொலிஸார் குறிப்பிட்டனர்.மேலதிக விசாரணைகளை மஹவெல பொலிஸார் மேற்கொண்டு வருகின்றனர்.
காவிரி ஆற்றின் குறுக்கே அணைகட்டும் கர்நாடகத்தின் முடிவுக்கு எதிர்ப்பு தெரிவித்து இன்று தஞ்சாவூரில் ரயில் மறியல் போராட்டத்தில் ஈடுபட்ட வைகோ உள்ளிட்ட ஆயிரத்திற்கும் மேற்பட்டோர் காவல்துறையால் கைது செய்யப்பட்டனர்

காவிரி ஆற்றின் மீது மேகே தாட்டு என்ற இடத்தில் கர்நாடக அரசு இரு அணைகள் கட்ட திட்டமிட்டிருப்பதை கண்டித்து தஞ்சாவூர், திருவாரூர், நாகை ஆகிய மூன்று மாவட்டங்களில் இன்று கடையடைப்பு, சாலை மறியல், ரயில் மறியல் போராட்டங்கள் நடைபெற்று வருகின்றன.

தஞ்சாவூர் ரயில் நிலையத்தில் மதிமுக பொதுச் செயலாளர் வைகோ தலைமையில் நூற்றுக் கணக்கோர் திரண்டிருந்தனர். ஆனால், ரயில் நிலைய நுழைவு வாயிலில் போலீசார் அவர்களை தடுத்து நிறுத்தினர்.என்றாலும் போராட்டத்தில் பங்கேற்றவர்கள் தடுப்பு நிலைகளை தூக்கி எறிந்துவிட்டு உள்ளே நுழைந்தனர். நூற்றுக் கணக்கானோர் தண்டவாளத்தில் இறங்கி ரயிலை மறித்தனர்.

இதனையடுத்து போராட்டத்தில் ஈடுபட்ட வைகோ உள்ளிட்ட ஆயிரத்திற்கும் மேற்பட்டோர் காவல்துறையால் கைது செய்யப்பட்டனர். அப்போது செய்தியாளர்களிடம் பேசிய வைகோ, காவிரி ஆற்றின் குறுக்கே அணைகட்டினால் விவசாயம் பாதிக்கப்படும் எனவும் மேலும், 5 கோடி மக்களுக்கு குடிநீர் பற்றாக்குறை ஏற்படும் எனவும் தெரிவித்துள்ளார்.
தமிழகத்தின் எதிர்காலம் காவிரி நீரில் தான் உள்ளது. நதிகள் தேசிய மயமாக்கப்படவேண்டும். இல்லையேல் இந்தியா பல நாடுகளாக பிரிந்துவிடும்.காவிரி பிரச்னையில் அ.தி.மு.க. அரசு நீதிமன்றத்தை முறையாக அணுகி வருகிறது. அதற்கு ம.தி.மு.க. என்றும் ஆதரவு அளிக்கும் என்றும் வைகோ பேசினார்.

போராட்டத்தில் ஈடுபட்டதற்காக கைது செய்யப்பட்ட அனைவரும் திருமண மண்டபத்தில் அடைத்து வைக்கப்பட்டிருந்தனர். பின்னர் பிற்பகலில் விடுவிக்கப்பட்டனர்.


அமெரிக்காவின் விக்கிலீக் தளத்தின் தலைவர் 4 பெண்களை வலுக்கட்டமாக கற்பழித்த சம்பவம் பரபரப்பை ஏற்படுத்தியுள்ளது.

அமெரிக்காவின் ‘விக்கிலீக்’ (Wikileaks)தளத்தின் தலைவர் ஜூலியன் அசாங்கே, அந்நாட்டின் இராணுவ ரகசியங்களை வெளியிட்டதால் அவரை கைது செய்ய உத்தரவிடப்பட்டது.
எனவே அவர் அமெரிக்காவில் இருந்து பிரித்தானியாவில் உள்ள ஈகுவேடார் (Equador) தூதரகத்தில் தஞ்சம் அடைந்துள்ளனர்.
இந்நிலையில் கடந்த சில தினங்களுக்கு முன்பு சுவீடன் சென்ற இவர் அந்நாட்டின் 4 பெண்களை கற்பழித்துள்ளார்.

இது தொடர்பாக அந்நாட்டின் தலைநகர் ஸ்டாக்ஹோம் (Stockholm) நீதிமன்றத்தில் இவர் மீது வழக்கு பதிவு செய்யப்பட்டு கைது வாரண்டு பிறப்பிக்கப்பட்டது.

இதை எதிர்த்து அசாங்கே நீதிமன்றத்தில் அப்பீல் செய்தபோதும், அந்த மனு தள்ளுபடி செய்யப்பட்டுள்ளது.
லங்கா சுதந்திரக் கட்சியின் பொதுச் செயலாளரான மைத்திரிபால சிறிசேன எதிர்க்கட்சிகளின் பொது வேட்பாளராக ஜனாதிபதி தேர்தலில் போட்டியிட அறிவிக்கப்பட்டுள்ள நிலையில், தமிழ் தேசியக் கூட்டமைப்பு நிலைமைகளை ஆராய்ந்தே முடிவெடுக்கும் என்று அந்த அமைப்பின் தலைவரான இரா.சம்பந்தன் தெரிவித்துள்ளார்.

மைத்திரிபால சிறிசேன பொது வேட்பாளராக அறிவிக்கப்பட்டதையும், தொலைக்காட்சியில் ஒளிபரப்பான அவரது செவ்வியையும் தான் கேட்டதாகக் கூறிய சம்பந்தன், நிறைவேற்று அதிகார ஜனாதிபதி ஆட்சி முறையை ஒழிப்பதாக அவர் கூறிய சில அம்சங்களை வரவேற்ற போதிலும் அவை குறித்தும், யாருக்கு ஆதரவு வழங்குவது என்பது குறித்தும் தமது கட்சியே ஆராய்ந்து முடிவெடுக்கும் என்றும் கூறினார்.

இதே வேளை சரியான முடிவை சரியான நேரத்தில் சம்பந்தன் எடுப்பார் என்ற நம்பிக்கை எனக்கு இருக்கின்றது என, ஜனநாயக மக்கள் முன்னணி தலைவர் மனோ கணேசன் தெரிவித்துள்ளார்.

(த.நவோஜ்)
மட்டக்களப்பு மாவட்டத்தில் தற்பொழுது பெய்து வரும் மழை காரணமாக பல வீதிகள் நீரினால் மூடப்பட்டு போக்குவரத்து ஸ்தம்பிதமடைந்த நிலையில் காணப்படுகின்றது.

 அந்த வகையில் மட்டக்களப்பு புதூர் விமானப் படை தளத்திற்கு முன்பாக உள்ள ஆறு பெருகியமையால் ஆறுக்கு இடையாக செல்லும் வீதியில் நீர் ஊடறுத்துச் செல்வதால் பிரயாணம் பெரும் ஸ்தம்பிதமடைந்த நிலையில் காணப்படுகின்றது.




இவ்வீதியால் பயணத்தை மேற்கொண்டு மட்டக்களப்பு நகருக்கு செல்ல வேண்டும். ஆகையால் இவ்வீதியால் தொழிலுக்கு மற்றும் கல்வி கற்பதற்கும் சந்தைக்கும் ஏனைய தேவைகளுக்கும் செல்ல வேண்டி காணப்படுகின்றது.

 இதன்போது இவ்வீதியால் பயணம் செய்த மோட்டார் சைக்கிள்கள் மற்றும் முச்சக்கர வண்டிகளுக்குள் நீர் பாய்ந்ததால் பல வாகனங்கள் செயழிலந்த நிலையில் காணப்பட்டு, பின்னர் பெரும் சிரமத்திற்கு மத்தியில் அதனை இயக்க வைத்து செல்கின்றது.

 இவ்வீதியானது பள்ளமாக காணப்படுகின்றது. இவ்வீதியை உயர்த்தி இரு பக்கமும் அணையை கட்டி சீர் செய்து தந்தால் தங்களுக்கு மழை காலத்தில் எவ்வித இடையூறும் இன்றி பயனம் செய்ய ஏதுவாக இருக்கும் எனவும் சம்பந்தப்பட்ட அதிகாரிகள் உரிய நடவடிக்கை எடுக்குமாறும் பயணிகள் கேட்டுக் கொள்கின்றனர்.

 அத்தோடு மட்டக்களப்பு தனியார் பஸ்களை நிறுத்தும் இடத்திற்கு பின்னால் உள்ள ஆறு பெருகியமையால் ஆற்று நீர் தனியார் பஸ் நிறுத்தும் இடத்திற்குள் சென்றமையால் அவ்விடம் ஆறு போன்று காணப்படுகின்றது.

 இதனால் பஸ் நிறுத்துவதற்கு தனியார் பஸ் நடனத்துனர்கள் பெரும் சிரமத்தின் மத்தியில் உள்ளனர். எனவே சம்பந்தபட்ட அதிகாரிகள் நீர் தரிப்பு நிலையத்திற்கு நீர் வராமல் இருப்பதற்கு உரிய நடவடிக்கை எடுக்குமாறு தனியார் பஸ் நடத்துனர்கள் கோரிக்கை விடுக்கின்றனர்.
முத்தமிடுவதும், முத்தமிடாமல் போவதும் அவரவர் உரிமை.ஆனால், என் பார்வையில், நீ முத்தமிடக்கூடாது என்று சொல்ல யாருக்கும் உரிமை இல்லை என்று நடிகர் மோகன்லால் கருத்து கூறியுள்ளார். முத்தப்போராட்டம் என்ற பெயரில் யாரும் பதற்றத்தை ஏற்படுத்த வேண்டாம் என்றும் அவர் கருத்து கூறியுள்ளார். கேரள மாநிலம் கொச்சியில் சில அமைப்பினர் கடந்த 2ஆம்தேதி ‘கிஸ் ஆப் லவ்' என்ற பெயரில் முத்தப் போராட்டம் நடத்தினர்.

இதற்கு கல்லூரி மாணவ-மாணவிகள் மத்தியில் ஆதரவும், சமூக ஆர்வலர்கள் மத்தியில் எதிர்ப்பும் கிளம்பியது. சமீபத்தில் சென்னை ஐ.ஐ.டி. மாணவர்களும் இந்தப் போராட்டத்தில் குதித்தது பொதுமக்கள் மத்தியில் அதிர்ச்சியை ஏற்படுத்தவே, பல்வேறு தரப்பினரும் இப்போராட்டம் குறித்து கருத்துக்கள் தெரிவித்து வருகிறார்கள். 
 
இந்த போராட்டம் பற்றி மலையாள திரையுலகின் முன்னணி நடிகர் மோகன்லால், தனது வலைதளத்தில் கருத்து கூறியுள்ளார். பொதுமக்கள் தினமும் ஏராளமான பிரச்சினைகளை எதிர்கொள்கிறார்கள். அதுபற்றி அரசியல்வாதிகள் அக்கறை காட்டுவது இல்லை. கலாச்சாரத்தை காப்பாற்றுவதாகக்கூறி விரும்பத்தகாத செயல்களில் ஈடுபடுகின்றனர். 
 
சில அமைப்புகளும் இதில் தங்களை இணைத்து கொள்கின்றன. மாணவர்களும், மாணவிகளும் பேசி கொள்வதற்கு தடை விதிப்பது சரி அல்ல. அதே நேரம் முத்தப் போராட்டம் என்ற பெயரில் பதட்டத்தை ஏற்படுத்த வேண்டாம் என்று கேட்டுக் கொள்கிறேன். இதனால் யாருக்கு என்ன பயன்? ஆண், பெண் என்றாலே தவறான கண்ணோட்டத்தில் பார்க்கக்கூடாது. நட்பு, அன்பு, சகோதர பாசம், தாய்-மகன் உறவு என எத்தனையோ பாசஉறவுகள் உள்ளன. அவற்றை நாம் புரிந்து கொள்ள வேண்டும். 
 
சிறுமிகள் பாலியல் தொல்லைக்கு ஆளாகும் சம்பவங்கள் சமீப நாட்களாக அதிகரித்து வருகிறது. இதனை தடுக்கவும், இதில் ஈடுபடுபவர்கள் மீது உரிய நடவடிக்கை எடுக்கவும், அரசியல் கட்சிகள் அக்கறை காட்டவில்லை. இது போன்ற சமூக விரோத செயல்களுக்கு எதிராக போராட வேண்டும். முத்தமிடுவதும், முத்தமிடாமல் போவதும் அவரவர் உரிமை.ஆனால், என் பார்வையில், நீ முத்தமிடக்கூடாது என்று சொல்ல யாருக்கும் உரிமை இல்லை.
| Copyright © 2013 AlishNews