அல்ஜீரியாவில் இருந்து புறப்பட்ட ஏர் அல்ஜீரியாவின் ஏஎச்-5017 என்ற விமானம் நைஜரில் விழுந்து நொறுங்கியதில் விமானி உள்பட 116 பேர் சம்பவ இடத்திலேயே பலியாயினர்.

110 பயணிகளும், 6 ஊழியர்களையும் உள்ளடக்கிய ஏர் அல்ஜீரியாவின் ஏஎச்-5017 என்ற விமானம் இன்று மேற்கு ஆப்பிரிக்க நாடான பர்கினா பாசோவின் தலைநகர் ஒகடாகோவில் இருந்து அல்ஜியர்ஸ் நோக்கிச் புறப்பட்டது.

விமானம் கிளம்பிய 50 நிமிடத்தில் ரேடாரில் இருந்து விமானம் மறைந்துவிட்டது. இதனை தொடர்ந்து அவசரகால நடவடிக்கைகளை மேற்கொண்ட அதிகாரிகள், விமானத்தை தேடும் பணியில் ஈடுபட்டனர்.
இந்நிலையில், மாயமான விமானம் நைஜரில் விழுந்து நொறுங்கியது கண்டுபிடிக்கப்பட்டது. விமானத்தில் பயணம் செய்த 116 பேரும் இறந்துவிட்டதாக தகவல்கள் தெரிவிக்கின்றன.

சமீபத்தில் போர் நடைபெற்று வரும் உக்ரைனில் மலேசிய விமானம் ஒன்று சுட்டு வீழ்த்தப்பட்டதை தொடர்ந்து அதில் பயணம் செய்த 298 பேரும் இறந்தனர்.

இதேபோல் அதே நிறுவனத்தின் மற்றொரு விமானம் கடந்த மார்ச் மாதம் நடுவானில் மாயமானது. இதுவரை அது கண்டுபிடிக்கப்படாத நிலையில், தற்போது அல்ஜீரிய விமானம் விபத்துக்குள்ளானது மிகுந்த அச்சத்தையும் குழப்பத்தையும் ஏற்படுத்தியுள்ளது.
தென் ஆப்ரிக்காவில் காண்ட மிருகத்தை கொன்ற நபருக்கு 77 ஆண்டுகள் சிறை தண்டனை விதிக்கப்பட்டுள்ளது.

உலகின் 70 சதவித காண்டா மிருகங்களை கொண்ட தென் ஆப்ரிக்கா கடந்த 2013ம் ஆண்டில் 1004 மிருகங்களை இழந்துள்ளது.

அதிலும் குறிப்பாக கிருஹர் தேசிய பூங்கா மட்டும் கடந்த ஆண்டில் 370 மிருகங்கள் கொள்ளப்பட்டுள்ளது.

இந்நிலையில் தென் ஆப்ரிக்காவை சேர்ந்த மண்டலா சாக்கே என்ற நபர் கடந்த 2011ம் ஆண்டில் கிருஹர் தேசிய பூங்காவில் உள்ள காண்டாமிருகத்தை அதன் தந்ததிற்காக கொலை செய்துள்ளார்.

இவர் மீது பதிவு செய்யப்பட்ட வழக்கு நீதிமன்ற விசாரணைக்கு வந்தபோது, வழக்கை விசாரித்த நீதிபதி, இனி காண்டாமிருகங்கள் இயற்கையில் இருந்து அழிந்து வருவதற்கு முற்றுப்புள்ளி வைக்கப்போவதாக கூறியதுடன், அந்நபருக்கு அதிக பட்ச தண்டனையாக 77 ஆண்டுகள் சிறை தண்டனை விதித்து உத்தரவிட்டுள்ளார்.

( ஏ.எல்.ஏ.றபீக் பிர்தௌஸ் )
நிந்தவூர் 'டயிட்டானிஸ்;' விளையாட்டுக் கழகத்தின் விசேட இப்தார் நிகழ்வு நேற்று மாலை நிந்தவூர், பிரதான வீதியில் அமைந்துள்ள அதன் காரியாலய கேட்போர் கூடத்தில் மிகச் சிறப்பாக இடம் பெற்றது.

டயிட்டானிஸ்; விளையாட்டுக் கழகத் தலைவர் எம்.சி.எம்.றிபாய் தலைமையில் இடம் பெற்ற இந்நிகழ்வில் இளைஞர் பாராளுமன்ற தகவல், ஊடகத்துறை அமைச்சர் சுலைமான் ஸாபி, மாகாண சபை உறுப்பினர் சட்டத்தரணி ஆரீப் சம்சுதீன், நிந்தவூர் பிரதேச சபைத் தலைவர் எம்.ஏ.எம்.தாஹீர், மதீனா மகா வித்தியாலய முதல்வர் எஸ்.அஹமது உள்ளிட்ட உலமாக்கள், கல்விமான்கள், விளையாட்டுக் கழகத் தலைவர்கள், விளையாட்டு வீரர்கள் எனப் பலரும் கலந்து கொண்டனர்.
 
சாலிஹீன் மௌலவி அவர்களால் மார்க்க சொற்பொழிவு நிகழ்த்தப்பட்டது.





(த.நவோஜ்)
மட்டக்களப்பு பிராந்திய உள்ளுராட்சி உதவி ஆணையாளர் அலுவலகத்தின் நலன்புரி அமைப்பினால் ஏற்பாடு செய்யப்பட்ட புனித றமழான் மாதத்தினை முன்னிட்டு இவ்வாண்டு முதன் முறையாக இப்தார் நிகழ்வு புதன்கிழமை இடம்பெற்றது.

உள்ளுராட்சி உதவி ஆணையாளரும், நலன்புரி அமைப்பின் தலைவருமான க.சித்திரவேல் தலைமையில் இடம்பெற்ற நிகழ்வின் போது விசேட சொற்பொழிவினை மௌலவி அஷ்செய்க் எம்.சியாத் (றசாதி) வழங்கியிருந்தார்;.

இதன்போது உள்ளுராட்சி மன்றத்தின் செயலாளர்கள் மற்றும் சனசமூக அபிவிருத்தி உத்தியோகத்தர்கள் ஆகியோரும் கலந்து கொண்டு சிறப்பித்தனர்.




(ஏ.எல்.ஏ.றபீக் பிர்தௌஸ் )
சமூக ஒருமைப்பாட்டு வாரத்தை முன்னிட்டு கௌரவ தேசிய மொழிகள் மற்றும் சமூக ஒருமைப்பாட்டு அமைச்சர் வாசுதேவ நாணயக்கார அவர்களின் வழிகாட்டுதலின் கிழ் ' சமூக ஒருமைப்பாட்டு மாநாடு-2014' ஜூலை மாதம் 20ம் திகதி கொழும்பு பண்டாரநாயக்க சர்வதேச மாநாட்டு மண்டபத்தில் நடைபெற்றது.

'செயன்முறை மும்மொழி அகராதி'மற்றும்; 'நாம் சிங்களம் தமிழ் மற்றும் ஆங்கிலம்; கற்போம்'; இறுவட்டுக்களும் அரச கரும மொழிகள் திணைக்களத்தினால் வெளியிட்டு வைக்கப்பட்டன. அதன் முதற் பிரதி அரச கரும மொழிகள் திணைக்கள பணிப்பாளரினால் அமைச்சருக்கு வழங்கி வைக்கப்பட்டது. இவ் டிவிடி க்களை அரச கரும மொழிகள் திணைக்களத்தின் உத்தியோகபூர்வ இணையத்தளத்தில் பார்வையிடலாம். www.trilingualdictionary.lk/learning. தேசிய மொழிகள் மற்றும் சமூக ஒருமைப்பாட்டு அமைச்சு இவ்வருட சுமூக ஒருமைப்பாட்டு வாரத்தை பொலநறுவை மாவட்டத்தில் இம்மாதம் 14 ம் திகதி ஆரம்பித்து வைத்தது. இம்மாநாட்டிற்கு பல பொது நிறுவனங்களினுடைய தலைவர்கள் அழைக்கப்பட்டு அவர்களது கருத்துக்களும் முன்வைக்கப்பட்டன.
இம்மநாட்டில் கலந்து கொண்ட நிந்தவூர் சமூக பொருளாதார மறுமலர்ச்சிக்கான அமைப்பின் தலைவர் ஏ.பி. அப்துல் கபூர், ஏனைய கிழக்கு மாகாண நிறுவனத் தலைவர்களும் கௌரவ தேசிய மொழிகள் மற்றும் சமூக ஒருமைப்பாட்டு அமைச்சர் வாசுதேவ நாணயக்காரவோடு சேர்ந்து புகைப்படங்களும் எடுத்துக் கொண்டனர்.




(த.நவோஜ்)
கரையோர வலய மீளமைப்புத் திட்டத்தில் கரையோரங்களையும், சுற்றுச் சூழலையும் பாதுகாக்கும் செயற்றிட்டமானது பாதுகாப்பு நகர அபிவிருத்தி அமைச்சின் கீழ் இயங்கும் கரையோரம் பேணல் மற்றும் கரையோர மூலவள முகாமைத்துவத் திட்டத்தின் கீழ் நடைமுறைப்படுத்தப்படும் பங்குபற்றலுடன் கூடிய நிலையான கரையோர வலய மீளாய்வுக் கூட்டம் வாகரை பிரதேச செயலக ஒன்று கூடல் மண்டபத்தில் நடைபெற்றது.

 வாகரை பிரதேச செயலாளர் செல்வி.எஸ்.ஆர்.இராகுலநாயகி தலைமையில் நடைபெற்ற நிகழ்வில் வாகரை பிரதேச செயலக உதவித் திட்டமிடல் பணிப்பாளர் வே.நவிரதன், மாவட்ட திட்டமிடல் பணிப்பாளர் எ.கோகுலதீபன், சமூக வலுவூட்டல் உத்தியோகத்தர்களான ஜீ.விஜயதர்சன், கே.ரூபன், ஏனைய திணைக்கள உத்தியோகத்தர்கள், பிரதேச செயலக உத்தியோகத்தர்கள், பொதுமக்கள் எனப் பலர் கலந்து கொண்டனர்.

 கரையோர வலய மீளமைப்புத் திட்டத்தின் கீழ் கரையோரங்களையும், சுற்றுச் சூழலையும் பாதுகாத்தல், மீளாய்வுக் கூட்டத்தில் நடைமுறைப்படுத்தப்பட்ட, நடைமுறைப்படுத்தப்படும் பின்வரும் திட்டங்களின் முன்னேற்றங்கள், திட்டமிடல் தொடர்பாகவும் கலந்துரையாடப்பட்டது.

 கரையோரங்களை பாதுகாக்கும் வகையில் கரையோர மக்களுக்காக சுமார் 27 இலட்சம் ரூபாய் செலவில் நடைமுறைப்படுத்தப்படும் மலசலகூடம் அமைத்தல், கண்டல் தாவரங்களை பாதுகாக்கும் வகையில் 56 இலட்சம் ரூபா செலவில் நடைமுறைப்படுத்தப்பட்ட தற்காலிக நிரந்தர எல்லையிடல் திட்டம் மற்றும் சுமார் 60 இலட்சம் ரூபா செலவில் நடைமுறைப்படுத்தப்பட்ட வனவள பாதுகாப்பு எல்லையிடல் போன்ற திட்டங்களின் முன்னேற்றங்கள் தொடர்பாக ஆராயப்பட்டது.

 இதன்போது விசேட முகாமைத்துவ திட்டத்தின் கீழ் பாடசாலை மாணவர்களுக்கான விழிப்புணர்வுகள், ஏனைய அமைப்புக்களுக்கான விழிப்புணர்வுகள், வாழ்வாதார திட்டங்களுக்கான செயற்பாடுகள் தொடர்பாகவும் கலந்துரையாடப்பட்டது.




ரமளான் மாதம் முடிந்து ஷவ்வால் பிறை பிறந்ததும் பெருநாள் தொழுகைக்கு முன் ஏழைகளுக்கு வினியோகிக்க வேண்டிய தர்மமே ஸகாத்துல் பித்ர் (ஏழைகளின் பசி போக்கும் தர்மம்) எனப்படும்.

ரமளான் நோன்பிலே நிகழுந்துள்ள தவறுகள் குறைகளுக்கு பரிகாரமாகவும், நம்மையறியாமல் வெளிவந்த வார்த்தைகளாலோ, நிகழ்ந்துவிட்ட செயல்களாலோ பிறரைக் காயப்படுத்தியிருந்தால் அதைப் போக்கும் அருமருந்தாகவும், ரமளானைப் பெற்று புனித நோன்பை நோற்று வணக்கவழிபாடுகள் புரியும் பெரும் பேறை நல்கிய நாயனுக்கு நன்றி செலுத்துவதற்காகவும் அளிக்கப்படட மகத்தான வாய்ப்பே இந்த ஈதுல் பித்ர் என்னும் தர்மமாகும்.

யார் மீது கடமை ?

பெருநாள் செலவுக்கு வசதி பெற்ற சுதந்திரமான ஆண்,பெண்ணுக்கும்.சிறுவர் சிறுமியருக்கும், அடிமைக்கும் கடமையாகும். இவர்களின் செலவுக்குப் பொறுப்பேற்கும் குடும்பத்தலைவர் இவர்களுக்காக ஸகாத்துல் பித்ர் கொடுக்கவேண்டும். பொறுப்பிலுள்ளோர் தாமாகக் கொடுக்கும் வசதியைப் பெற்றால் அவர்களும் வழங்கலாம்.

யாருக்கு வழங்கவேண்டும்?
ஸகாத் பெறக் கடமையான ஏழைகளுக்கும், கடன் சுமையால் பாதிக்கப்பட்டவர்களுக்கும் வழங்கவேண்டும்.

எதை வழங்க வேண்டும்?
நாம் ஊரில் வழமையாக உட்கொள்ளும் உணவுப் பொருளான அரிசி, கோதுமை, பேரீத்தம் பழம், போன்றவையாகும்

எவ்வளவு வழங்கவேண்டும் ?

ஒரு ஸாஃ – என்பது நாலு முத்துகளாகும். ஒரு முத்து என்பது நடுத்தரமான ஒருவருடைய இரு கைகள் நிறைய உள்ள தானியத்தை அளந்தால் வரும் எடையைக்குறிக்கும். அவ்வாறு நான்கு முத்துகள் ( ஒரு ஸாஃ) 2 கிலோ 400 கிராம் எடையுள்ள தானியம் என.மார்க்க அறிஞர்கள் நிர்ணயித்துள்ளனர்.

எங்கே வழங்கவேண்டும்?

நாம் வாழும் ஊரிலுள்ள ஏழைகளுக்கு வழங்கவேண்டும். அவர்களை விட நமது தாய் நாட்டில் ஏழைகளாக நமது உறவினர்கள், அண்டை அயலார்கள், ஊர் மக்கள் இருந்தால் அவர்களுக்கே முதலிடம் வழங்க வேண்டும்.

வெளிநாட்டிலிருப்போர் தமது சொந்த ஊரிலே வழங்குவதாயின் அவரது பெருநாள் தொழுகைக்கு முன்னர் வினியோகிக்கப்படவேண்டும். அவரது சொந்த ஊரில் ஒரு நாளோ இரு நாட்களோ பிந்தி பெருநாள் கொண்டாடலாம். அவ்வாறு பிந்திக் கொடுப்பதால் அவரது ஸகாத்துல் பித்ர் அங்கீகரிக்கப்படமாட்டாது.

எந்த நேரத்தில் வழங்கவேண்டும்?

ஷவ்வால் பிறை பிறந்தது முதல் பெருநாள் தொழுகைக்கு செல்வது வரை வழங்கவேண்டும்.

பெருநாள் தொழுகைக்கு முன்னர் வழங்கப்படும் தர்மம் கடமையான (பர்ளான) தர்மமாக் கருதப்படும்.அதன் பிறகு வழங்கப்படும் தர்மம் சாதாரண தர்மமாகவே கருதப்படும்.
துப்பாக்கி முனையில் டெல்லியில் 22 வயது இளம்பெண் ஒருவர் நான்கு பேர் கொண்ட கும்பலால் பாலியல் பலாத்காரம் செய்யப்பட்டுள்ளார்.

 அடுத்தடுத்து நாடு முழுவதும் நடந்து வரும் கொடூரமான பாலியல் பலாத்கார சம்பவங்களால் மக்கள் குறிப்பாக பெண்கள் அதிர்ந்து போயுள்ளனர். 

சிறு குழந்தை முதல் வயதான பெண்கள் வரை பாரபட்சமில்லாமல் காமக் கொடூரர்களால் சூறையாடப்படுவது அதிர்ச்சியை ஏற்படுத்தி வருகிறது. உத்திரப்பிரதேசத்திலுள்ள மதுராவைச் சேர்ந்த 22 வயது இளம்பெண் குர்கான் போய் விட்டு நேற்றிரவு காரில் அங்கிருந்து திரும்பிக் கொண்டிருந்தார். அப்போது, தேசிய நெடுஞ்சாலை 8 அருகே அவரது கார் பயணித்துக் கொண்டிருந்த போது நான்கு பேர் கொண்ட கும்பலொன்று அவரது காரை வழிமறித்துள்ளது. துப்பாக்கி முனையில் அப்பெண்ணை பாலியல் பலாத்காரம் செய்த கும்பல், அவரிடமிருந்த ரூ 5 ஆயிரம் பணத்தையும் பிடிங்கிச் சென்றுள்ளனர். இது தொடர்பாக விசாரணை செய்து வரும் போலீசார், குற்றவாளிகளைத் தீவிரமாக தேடி வருகின்றனர். 

தலைநகர் டெல்லியில் தொடரும் இது போன்ற பாலியல் பலாத்கார சம்பவங்கள் மக்களிடையே அதிர்ச்சியை ஏற்படுத்தியுள்ளது. அதிலும், ஓடும் காரை வழிமறித்து பெண் பலாத்காரம் செய்யப்பட்ட சம்பவம், இரவு நேரங்களில் வாகனங்களில் பயணம் மேற்கொள்வோரை மேலும் பீதியடைய வைத்திருக்கிறது.

இலங்கை மற்றும் தென்னாபிரிக்க அணிகளுக்கு இடையிலான 2வது டெஸ்ட் போட்டி இன்று கொழும்பில் நடைபெறுகிறது.இதன் போது இலங்கை அணியின்  மஹெல ஜெயவர்த்தன  தனது 34வது டெஸ்ட் சதத்தைப் பதிவு செய்துள்ளார். 

மேலும் இலங்கை அணியின் பெரிதும் எதிர்பார்ப்புக்குறிய வீரரான குமார் சங்கக்கார ஓட்டம் எதுவும் பெறாத நிலையில் வௌியேறினார்.

இலங்கைக்கு சுற்றுப் பயணம் செய்துள்ள தென்னாபிரிக்க அணி முன்னதாக இடம்பெற்ற 3 போட்டிகள் கொண்ட ஒருநாள் தொடரை 2-1 என வசப்படுத்தியுள்ளது.

தொடர்ந்து இரண்டு போட்டிகள் கொண்ட டெஸ்ட் தொடரிலும் முதலாவது டெஸ்டில் வெற்றி வாகை சூடி வலுவான நிலையில் உள்ளது.

இந்த நிலையில் தோல்வியைத் தவிர்த்து தொடரை சமப்படுத்த 2வது டெஸ்ட் போட்டியில் வெற்றி பெற்றே ஆக வேண்டும் என்ற கட்டாயத்தில் இலங்கை அணி இந்தப் போட்டியில் களமிறங்கியுள்ளது.

அத்துடன் மஹெல ஜெயவர்த்தன, அடுத்ததாக பாகிஸ்தானுடன் இடம்பெறும் டெஸ்ட் தொடரோடு, டெஸ்ட் போட்டிகளில் இருந்து தனது ஓய்வை அறிவித்துள்ளமை குறிப்பிடத்தக்கது.

தாய்வான் நாட்டில் டிரான்ஸ் ஏசியா விமான நிறுவனத்திற்கு சொந்தமான பயணிகள் விமானம் ஒன்று மோசமான வானிலை காரணமாக பெங்கு தீவில் விழுந்து விபத்துக்குள்ளாகியதில் 51 பேர் பலியானதாக தகவல்கள் வெளியாகியுள்ளது.

தைவானிலுள்ள கோசியுங்கிலிருந்து மாகுங் பகுதிக்கு ஏ.டி.ஆர்.-72 ரக பயணிகள் விமானம் ஒன்று 54 பயணிகளுடன் இன்று மாலை 5.43 மணிக்கு புறப்பட்டுள்ளது.

4 மணிக்கே புறப்பட வேண்டிய அந்த விமானம் மோசமான வானிலை காரணமாக தாமதமாக புறப்பட்டு சென்றுள்ளது.

ஆனால், தொடர்ந்து வானிலை சரியில்லாத காரணத்தால் அந்த விமானம் சென்றடைய வேண்டிய மாகுங் நகரில் தரையிறங்க முடியவில்லை. எனவே விமான அதிகாரிகள் 7.06 மணி வரை காத்திருக்குமாறு விமானியிடம் கூறியிருக்கிறார்.

இதையடுத்து, விமானியும் சிறிது நேரத்திற்கு பிறகு விமானத்தை தரையிறக்க முயற்சி செய்திருக்கிறார். ஆனால், அவரது முதல் முயற்சி தோல்வியில் முடிந்தது.

பின்னர் 2-வது முறையாக தரையிறங்க அதிகாரிகளிடம் அனுமதி கேட்டுள்ளார். ஆனால், அதற்குள் விமானியுடனான தகவல் தொடர்பு துண்டிக்கப்பட்டுவிட்டது.

அதன்பிறகு கிடைத்த தகவலில், அந்த விமானம் பெங்கு தீவிலுள்ள ஹூஷி குடியிருப்பு பகுதியில் தரையில் விழுந்து நொறுங்கி விபத்துக்குள்ளானது தெரியவந்துள்ளது. இதில், 2 வீடுகளும் சேதமடைந்து தீப்பிடித்தன.

முதற்கட்ட விசாரணையில், விமானம் பெங்கு தீவிற்கு மேல் பறந்து கொண்டிருந்தபோது கடுமையான மழையும், மோசமான காற்றும் வீசியதால் விமானம் விபத்துக்குள்ளாகியிருக்கலாம் என்று தெரிவிக்கிறது.

இதில் 51 பேர் பலியாகியுள்ளதாகவும், 8 பேர் படுகாயமடைந்திருப்பதாகவும் தெரிவிக்கப்பட்டுள்ளது.


யாழ். பல்கலைக்கழகத்தில் பயிலும் மாணவன் ஒருவர் இன்று அதிகாலை தூக்கிட்டுத் தற்கொலை செய்து கொண்டதாக தெரிவிக்கப்படுகிறது.
 
யாழ்.பல்கலைக்கழக கலைப்பீட முதலாம் வருட மாணவனான 21 வயதுடைய நாகராசா சுதாகரன் தூக்கில் தொங்கிய நிலையில் அவரது வீட்டில் இருந்து நெல்லியடி பொலிஸாரினால் சடலமாக மீட்கப்பட்டுள்ளார்.


அவரது மரணம் குறித்த காரணம் இன்னும் சரியாக தெரியவரவில்லை என்றாலும் காதல் விவகாரமாக இருக்கக்கூடும் என நம்பக்கூடிய ஆதாரம் ஒன்று கிடைக்கப்பெற்றுள்ளது அதாவது,


இன்று அதிகாலை 4 மணியளவில் தனது முகப்புத்தகத்தில் "மறு பிறவி இருந்தால் மீண்டும் வருகிறேன் உன் மடியில் சாய்ந்து உயிர் பிரியும் என்றால்" என்று அவர் பதிவு செய்துள்ளதாக தெரிவிக்கப்படுகிறது.


மரணம் குறித்து மேலதிக விசாரணைகளை தாம் மேற்கொண்டு வருவதாக நெல்லியடி பொலிஸார் தெரிவித்துள்ளனர்.


\
மருதமுனை கோல்ட் மைன்ட் விளையாட்டுக் கழகத்தின் 37 ஆவது இப்தார் கழகத் தலைவர் வை.கே.ஹஃமான் தலைமையில் ஞாயிற்றுக் கிழமை மருதமுனை அல்-மனார் மத்திய கல்லுாரியில் இடம் பெற்றது
                                    
 உள்ளூராட்சி மாகாண சபைகள் அமைச்சர் ஏ.எல்.எம்.அதாஉல்லா பிரதம அதிதியாகக் கலந்து கொண்ட இந்நிகழ்வில் மாகாண சபை உறுப்பினர் ஆரிப் சம்சுடீன் உட்படப் பலர் கலந்து கொண்டனர்
                                      
 மருதமுனை உலமா சபைத் தலைவர் எம்.ஜ.குசைனுதீன் றியாழி ரமழான் சிந்தனையினை நிகழ்த்தினார்






(த.நவோஜ்)
கல்குடா அல்-கிம்மா சமூக சேவைகள் அமைப்பு வாழைச்சேனை பொலிஸாருடன் இணைந்து ஏற்பாடு செய்த இப்தார் நிகழ்வு செவ்வாய்கிழமை மாலை வாழைச்சேனை பொலிஸ் நிலையத்தில் இடம்பெற்றது.

வாழைச்சேனை உதவிப் பொலிஸ் அத்தியட்சகர் எவ்.ஓ.எஸ்.விதானகே தலைமையில் நடைபெற்ற நிகழ்வுகளில் மார்க்க சொற்பொழிவினை கல்குடா அல் கிம்மா நிறுவனத்தின் பணிப்பாளர் மௌலவி எம்.எம்.எஸ்.ஹாறூன் (ஸஹ்வி) நடாத்தினர்.

இவ் இப்தார் நிகழ்வில் கிழக்கு மாகாணப் பிரதிப் பொலிஸ் மா அதிபர் நந்தன முனசிங்க, மட்டக்களப்பு மாவட்ட பொலிஸ் அத்தியட்சகர் ஐயசிங்க, வாழைச்சேனை ஸ்ரீ புத்த ஜயந்தி விகாரையின் விகாராதிபதி நாவாநே அபேவன்ச லங்கார தேரர், ஓட்டமாவடி பிரதேச சபை தவிசாளர் கே.பி.எஸ்.ஹமீட், வாழைச்சேனை, வாகரை, கல்குடா, ஏறாவூர் பொலிஸ் நிலையங்களின் பொறுப்பதிகாரிகள், சிவில் பாதுகாப்பு குழுக்களின் ஆலோசனை சபைப் பிரதிநிதிகள், பிரதேச பாடசாலை அதிபர், பொதுமக்கள் எனப் பலர் கலந்து கொண்டனர்.







.



நைஜீரியாவில் போக்கோ ஹரம் தீவிரவாதிகளால் கடத்தப்பட்ட 11 மாணவிகளின் பெற்றோர் மரணமடைந்திருப்பதாக தகவல்கள் தெரிவிக்கின்றன.

கடந்த மூன்று மாதங்களுக்கு முன் கடத்தப்பட்ட மாணவிகளில் சில மாணவிகள் தப்பி வந்த நிலையில் பெரும் எண்ணிக்கையிலானோர் இன்னமும் தீவிரவாதிகளின் பிடியில் தான் சிக்கிக்கொண்டுள்ளனர்.

இந்நிலையில் மாணவிகள் கடத்தப்பட்ட சோகத்தில் 11 மாணவிகளின் பெற்றோர் மரணமடைந்திருப்பதாக தகவல்கள் தெரிவிக்கின்றன. அவர்களில் பெரும்பாலானோர் நெஞ்சு வலி மற்றும் ரத்த அழுத்தம் காரணமாக பலியாகியுள்ளதாக கூறப்படுகிறது.

குறிப்பாக கடத்தப்பட்ட இரண்டு பெண்களுக்கு தந்தையானவர் ஒரு வகை கோமாவில் சிக்கி மாணவிகளின் பெயரை தொடர்ந்து கூறிக்கொண்டே இருந்துள்ளார். சில தினங்களுக்கு பின் அவரும் மரணமடைந்தது குறிப்பிடத்தக்கது.

மாணவிகளின் பெற்றோர் இறந்தது குறித்த தகவல் கிடைத்ததும், அந்நாட்டு அதிபர் குட்லக் ஜோனாதன் கடத்தப்பட்டு தப்பிவந்த மாணவிகளையும், கடத்தப்பட்டுள்ள மாணவிகளின் பெற்றோரையும் சந்தித்து ஆறுதல் தெரிவித்தார். யாரும் தவறான முடிவெடுக்கவேண்டாம் என அவர் அப்போது கேட்டுக்கொண்டார்.


(ஜதுர்சயன்)
தேசியமட்ட தமிழ்த்தினப் போட்டியில் களுதாவளை மகா வித்தியாலய மாணவர்கள் இரண்டு போட்டிகளில் வெற்றியீட்டி சாதனை படைத்துள்ளனர்.

மேற்படி வித்தியாலயத்தில் 2014 ஆம் ஆண்டிற்கான மாகாண மட்ட தமிழ்த்தினப் போட்டியில்; தெரிவாகிய மாணவர்களுக்கான தேசிய மட்ட போட்டி அண்மையில் பத்தனை ஸ்ரீபாதக் கல்வியல் கல்லுரியில் நடைபெற்றது.



இதன் போது உயர்தரப் பிரிவில் கவிதை ஆக்கத்தில் செல்வி துரைராசா வுகாரி முதலாமிடத்தையும் ஆரம்பப் பிரிவில் எழுத்தாக்கத்தில் கனகசபை ஹீப்பிறதா மூன்றாமிடத்தையும் பெற்று பாடசாலைக்கு பெருமை சேர்த்துள்ளர்;.

இவர்களை கௌரவிக்கும் முகமாக பாடசாலை அதிபர், ஆசிரியர்கள், பாடசாலை அபிவிருத்தி சங்கத்தினர் ஒன்றிணைந்து மாணவர்களுக்கான கௌரவிப்பு விழாவினை ஏற்பாடு செய்து கௌரவத்தினையும் வழங்கியிருந்தனர்.

இப் பாடசாலையானது 2014 ஆம் ஆண்டிற்கான மாகாணமட்ட விளையாட்டுப் போட்டியில் அதிகூடிய புள்ளிகளை பெற்றுக் கொடுத்து பட்டிருப்பு வலயத்தினை கிழக்கு மாகாணத்தில் முதலாமிடத்திற்கு வருவதற்கு உந்து சக்தியாய் இருந்தமையும் குறிப்பிடத்தக்கது. அண்மைக் கலமாக இப் பாடசாலை கல்வியில் மட்டுமல்லாது இணைப்பாட விதான செய்பாடுகளிலும் முன்னேற்றமடைந்து செல்கின்றமையை அறியமுடிகின்றது.

 .
(wn)
இந்தோனேஷியாவின் ஜனாதிபதித் தேர்தலில் ஐகார்த்தா ஆளுனர் ஜோகோ விடோடோ வெற்றி பெற்றுள்ளார்.

விடோடோ 53.15 சதவீதத்திற்கு மேலான வாக்குகளையும், அவரை எதிர்த்து போட்டியிட்ட முன்னாள் இராணுவ அதிகாரியான பிரபாவோ சுபியந்தோ சுமார் 46.85 சதவீத வாக்குகளையும் பெற்றிருப்பதாக இந்தோனேசிய தேர்தல் ஆணைக்குழு அறிவித்துள்ளது.

உலகில் மூன்றாவது பெரிய ஜனநாயக நாடாகக் கருதப்படும் இந்தோனேசியாவில் இந்த மாதம் 9ஆம் திகதி ஜனாதிபதி பதவிக்கான தேர்தல் நடைபெற்றது.

கடந்த 1998ஆம் ஆண்டு இங்கு முடிவுக்கு வந்த சுகர்தோ சகாப்தத்திற்குப் பின்னர் மிகப் பெரிய பிரிவினையை வெளிப்படுத்திய தேர்தலாக இது அமைந்தது.

சீர்திருத்தவாதியாக விளங்கிய ஜகார்த்தாவின் ஆளுநரான ஜோகோ விடோடோவும், முன்னாள் ராணுவ வீரரான பிரபோவோ சுபியன்டோவும் இந்தத் தேர்தலின் பிரதான வேட்பாளர்களாகக் களமிறங்கினர். இருவருமே வெற்றி வாய்ப்பு தங்களுடையது என்று கூறிவந்தபோதிலும் முக்கிய தேர்தல் முகவர்கள் விடோடோவிற்கான வெற்றி வாய்ப்பையே வெளிப்படுத்தினர்.

இந்த நிலையில் இறுதி அறிவிப்பு வெளியிடப்படுவதற்கு ஒரு நாள் முன்னதாக நேற்று முன்தினம் இந்தப் போட்டியிலிருந்து தான் விலகுவதாக பிரபோவோ அறிவித்தார். விடோடோ அணியினர் தேர்தல் முறைகேடுகளில் ஈடுபட்டதாகவும் அவர் குற்றச்சாட்டுகளைக் கூறினார்.

இதனைத் தொடர்ந்து நேற்று தேர்தல் ஆணையம் வெளியிட்டுள்ள இறுதி முடிவு ஜோகோ விடோடோவை வெற்றியாளராக அறிவித்துள்ளது.இவர் பிரபோவோவைவிட ஆறு சதவிகிதம் அதிக வாக்குகள் வித்தியாசத்தில் வெற்றி பெற்றுள்ளதாகத் தெரிய வந்துள்ளது.

முன்னாள் தளவாட ஏற்றுமதி தொழிலதிபரான விடோடோ ஜகர்த்தாவின் ஆளுநராகப் பணியாற்றியபோது அவரது பொதுத் தொடர்பின் மூலம் பெற்றிருந்த ஏகோபித்த ஆதரவாளர்களின் வாக்குகள் மூலமே இந்த வெற்றி வித்தியாசம் பெறப்பட்டுள்ளதாக அரசியல் ஆய்வாளர்கள் கருத்து தெரிவித்துள்ளனர்.

ஜோக்கோ விடோடோ பற்றி..

• 1961ஆம் ஆண்டு விறகு விற்பனையாளரின் மகனாகப் பிறந்தார்.

• 2005இல் சோலோ நகரின் மேயராகத் தெரிவாகி, அரசியல் வாழ்க்கையைத் தொடங்கினார்

• 2010ஆம் ஆண்டு 90 சதவீத வாக்குகளுடன் இரண்டாவது பதவிக் காலத்திற்குத் தெரிவானார்

• 2012இல் ஜகார்த்தா ஆளுனராகத் தெரிவு செய்யப்பட்டார் • அரச நிறுவனங்களில் ஊழல் மோசடிகளை ஒழித்துக் கட்டுவதற்காக e-governance முறைமையை அமுலாக்கப் போவதாக உறுதியளித்தார்
 (add)
மட்டக்களப்பு, முகத்துவாரம் வாவியில் சட்டவிரோத மீன்பிடியில் ஈடுபட்ட 7 பேர் கைது செய்யப்பட்டதுடன் சுமார் 54 இலட்சம் ரூபாய் பெறுமதியான வலைகள் மற்றும் மீன்படி இயந்திரங்கள் கைப்பற்றப்பட்டுள்ளதாக மட்டக்களப்பு மாவட்ட கடற்றொழில் உதவி பணிப்பாளர் டொமின்கோ ஜோர்ஜ் தெரிவித்தார்.

நேற்று (22) மாலை 7 மணிமுதல் இன்று (23) அதிகாலை 2 மணி வரை கடற்படையினரின் உதவியுடன் மாவட்ட கடற்றொழில் பரிசோதகர்கள் முகத்துவாரம் வாவியில் மேற்கொண்ட திடீர் சுற்றிவளைப்பின்போது இச்சட்டவிரோத வலைகள் கைப்பற்றப்பட்டுள்ளதாக அவர் மேலும் தெரிவித்தார்.

சந்தேகநபர்கள் மற்றும் கைப்பற்றப்பட்ட வலைகள் இயந்திரங்கள் இன்று மட்டக்களப்பு மாவட்ட நீதிமன்றத்தில் ஆஜர்படுத்தப்படவுள்ளதாகவும் அவர் தெரிவித்தார்.

இந்நடவடிக்கையின்போது 8640 அடி சட்டவிரோத வலைகள் மற்றும் 8 இயந்திரங்கள் என்பன கைப்பற்றப்பட்டமையும் குறிப்பிடத்தக்கது
( ஏ.எல்.ஏ.றபீக் பிர்தௌஸ் )
நிந்தவூர் சதாம் விளையாட்டுக் கழகத்தினர் ஏற்பாடு செய்த இப்தார் நிகழ்வு நிந்தவூர் அல்-மஸ்ஹர் பெண்கள் உயர்தரப் பாடசாலையில் நேற்று இடம் பெற்றது.
 

சதாம் விளையாட்டுக் கழகத் தலைவர் ஏ.எம்.சாதீக் தலைமையில் இடம் பெற்ற இந்நிகழ்வில் கிழக்கு மாகாண சபை உறுப்பினர் ஆரீப் சம்சுதீன், அம்பாரை சிரேஷ்ட பொலிஸ் பரிசோதகர் எம்.எல்.எம்.றபீக், நிந்தவூர் ஜும்ஆப் பள்ளிவாசல் நம்பிக்கையாளர் சபைச் செயலாளர் எம்.ஏ.எம்.றசீன் உள்ளிட்ட உலமாக்கள், அதிபர்கள், ஆசிரியர்கள், விளையாட்டுக் கழகத் தலைவர்கள் பொது மக்கள் எனப்பலரும் இதில் கலந்து கொண்டனர்.
 



ஆசிக் அலி மௌலவி அவர்களால் மார்க்க சொற்பொழிவு நிகழ்த்தினார்.
| Copyright © 2013 AlishNews