(அஷ்ரப் ஏ சமத்)
பதுளை மாவட்டத்தில் மண் சரிவு ஏற்பட்ட ஹல்துமுல்ல- மீரியாவத்தை -கொஸ்லந்த கிராமங்களில் பாதிக்கப்பட்ட சகல வீடுகளையும்  ஜனசெவன வீடமைப்புத் திட்டத்தின் கீழ் மீளநிர்மாணிப்பதற்கான    நடவடிக்கை   எடுக்குமாறு அமைச்சா் விமல் வீரவன்ச அதிகாரிகளைப் பணித்துள்ளார்.

தேசிய வீடமைப்பு அபிவிருத்தி அதிகார சபையின் தலைமைக் காரியாலயத்தின் பொறியியல் பிரிவு மற்றும் பதுளை மாவட்டக் காரியாலய அதிகாரிகள் பாதிக்கப்பட்ட பிரதேசங்களுக்கு அனுப்பி வைக்கப்பட்டுள்ளது.

இக் குழு சேதமடைந்த  வீடுகள் பற்றிய கணக்கெடுப்புக்களை எடுத்து வருகின்றது. அத்துடன் ; வீடுகளை மீள நிர்மாணிப்பதற்காக கட்ட ஆராய்ச்சி நிறுவனத்தின் ஊடாக பரிசீலீக்கப்பட்டு இயற்கை அனர்த்தமில்லாத-  பாதுகாப்பான அரச காணிகளை அடையாளம் கண்டு பரிசீலிக்குமாறும் அமைச்சா் விமல் வீரவனசவினால் அதிகாரிகளுக்கு பணிப்புரை விடுக்கப்பட்டுள்ளது.

இம் மக்களுக்கான தற்காலிக வீடுகளும் நிர்மாணிப்பதற்கு நடவடிக்கை எடுக்கப்பட்டுள்ள்து. லயன் அரைகள் அடங்கிய 70 வீடுகள்  3  சனசமுக நிலையம்- பாலா் பாடசாலை- கோவில் மற்றும் அடிப்படை வசதிகளும் சேதமடைந்துள்ளன.

புhதிக்கப்பட்ட மக்களுக்கும் உயிh; உடைமைகளையூம் இழந்து தவிக்கும் மக்களுக்கு தனது ஆழ்ந்த அனுதாபத்தையும் அமைச்சா் விமல் வீரவன்ச தெரிவித்துள்ளார்












(ஹாசிப் யாஸீன்)
தென்பகுதியின் அபிவிருத்திக்கு ஒதுக்கப்படும் நிதியும், அம்பாரை மாவட்ட அபிவிருத்திக்கு ஒதுக்கப்படும் நிதியும் மலைக்கும் மடுவுக்கும் ஒப்பானது. இன்று கட்சி நினைத்தால் பாரிய அபிவிருத்திகள் பற்றிப் பேசலாம். ஆனால் சமூக விடயத்தை புறந்தள்ளிவிட்டு எதைப்பற்றியும் சிந்திக்கமுடியாது என திகாமடுல்ல மாவட்ட பாராளுமன்ற உறுப்பினரும், கல்முனைத் தொகுதி அபிவிருத்திக் குழுத் தலைவருமான சிரே ஷ்ட சட்டத்தரணி எச்.எம்.எம்.ஹரீஸ் தெரிவித்தார்.

பாராளுமன்ற உறுப்பினர் எச்.எம்.எம்.ஹரிஸீன் பல இலட்சம் ரூபா நிதி ஒதுக்கீட்டில் பொத்துவில் பிரதேச மக்களுக்கும், விளையாட்டு வீரர்களுக்கும் உதவியளிக்கும் சுயதொழில் மற்றும் விளையாட்டு உபகரணங்கள் வழங்கும் நிகழ்வு  பொத்துவில் பிரதேச செயலக கேட்போர் கூடத்தில் நடைபெற்றபோது அதில் பிரதம அதிதியாகக் கலந்து கொண்டு உரையாற்றுகையில்  ஹரீஸ் எம்.பி மேற்கண்டவாறு தெரிவித்தார்.

பிரதேச சபையின் தவிசாளர் எம்.எஸ்.எம்.வாசித் தலைமையில் நடைபெற்ற இந்நிகழ்வில் பாராளுமன்ற உறுப்பினர் எச்.எம்.எம்.ஹரீஸ் தொடர்ந்தும் உரையாற்றுகையில்

கடந்த இரண்டு வருடங்களாக இந்நாட்டில் முஸ்லிம்களுக்கெதிரான பல விடயங்கள் நடந்துள்ளது.  முஸ்லிம்களின் இருப்புக்கு ஆபத்து ஏற்பட்டு வருவதனால் முஸ்லிம் பாராளுமன்ற உறுப்பினர்கள் ஒன்றிணைந்து ஜனாதிபதிக்கு கடிதம் எழுதினோம். ஆந்தக் கடிதத்தில் ஜனாதிபதியைச் சந்திப்பதற்கான நேரத்தை ஒதுக்கிக் கேட்டிருந்தோம். ஆனால் இன்றுவரை அதற்கான நேரத்தை ஒதுக்கித் தரவில்லை.

இன்று பாருங்கள் எத்தனையோ வேலைப்பழுவுக்கும் மத்தியிலும் முஸ்லிம் காங்கிரஸ் கட்சியின் பாராளுமன்ற உறுப்பினர்களை சந்திப்பதற்கு ஜனாதிபதி விரும்பியுள்ளார். வரவு செலவுத் திட்டத்தை ஆரம்பித்து வைத்துவிட்டு ஜனாதிபதி சிரே ஷ்ட அமைச்சர்களிடம் அலரி மாளிகைக்கு முஸ்லிம் காங்கிரஸ் பாராளுமன்ற உறுப்பினர்களை அழைத்து வாருங்கள் பேசுவோம் என்று கூறியுள்ளார்.

ஆனால் நாங்கள் எட்டு பாராளுமன்ற உறுப்பினர்களும் அலரி மாளிகை சந்திப்பை நிராகரித்து அதற்கான காரணங்களை தலைவர் ஊடாக அரசுக்கு அறிவித்தோம். எமது கட்சிக்குத் தரப்பட்ட பல வாக்குறுதிகள் நிறைவேற்றப்படவில்லை. சிங்கள பௌத்த கடும் போக்காளர்கள் முஸ்லிம்களுக்கெதிராக மேற்கொள்ளும் செயற்பாடுகளுக்கு நடவடிக்கை எடுக்காமல் அவர்களை போசிக்கும் நிலையில் பேச்சுவார்த்தைக்கு அவசியமில்லை.

பட்டம், பதவிகளுக்கு அப்பால் சமூக பொறுப்புக்களை சுமப்பதுதான் நமது பணியாகும். அலரி மாளிகையில் முஸ்லிம் காங்கிரஸ் பாராளுமன்ற உறுப்பினர்களுக்கு பல சலுகைகள் காத்திருந்தது.

அபிவிருத்திக்கு கோடிக்கணக்கான ரூபா நிதி, தொழில் வாய்ப்புக்கள், பிரதி அமைச்சுப் பதவி, வெளிநாட்டுத் தூதுவர்கள், திணைக்களத் தலைவர்கள் என்று பெரும் பட்டியல் ஒன்றே வைத்திருந்தனர்.

நாங்கள் அலரி மாளிகைக்கு போகாததால் அவர்கள் குழப்பமடைந்துள்ளனர். முஸ்லிம் காங்கிரஸை எவ்வாறு கையாளலாம் என்பது பற்றி அரசின் உயர்மட்டம் இன்று சிந்தித்துக் கொண்டிருக்கின்றது.

இந்நாட்டு முஸ்லிம்கள் மிக முக்கியமான சவால் நிறைந்த காலகட்டத்தில் வாழ்ந்து கொண்டிருக்கின்றோம். பொதுபல சேனா அமைப்பு பர்மாவில் உள்ள தீவிரவாத அமைப்புடனும், இந்தியாவின் ஆர்.எஸ்.எஸ். அமைப்புடனும் தொடர்புகளை ஏற்படுத்தி தனது அங்கத்தவர்களுக்கு பயிற்சியை வழங்குகின்றனர். இதன் மூலம் முஸ்லிம்களை அழித்து தங்களது தீவிரவாதத்தை நிலைநாட்டக் கங்கனம் கட்டியுள்ளனர்.

அரசும், பொறுப்பாளர்களும் இன்று மௌனம் காக்கின்றனர். எறிகின்ற நெருப்பில் எண்ணையை ஊற்றுவது போன்று தீவிரவாத அமைப்புக்கள் சர்வதேச ரீதியாக ஒன்றிணைந்து நமது மக்களை நசுக்குவதற்கு முற்பட்டுள்ளனர். மக்களால் எங்களுக்குத் தரப்பட்ட இந்தப் பாராளுமன்ற உறுப்பினர்  பதவி எனும் அமானிதத்தை காப்பாற்றுகின்றவர்களாக இருந்து வருகின்றோம்.

மக்களின் உணர்வோடு வாழ்கின்றவர்கள் என்ற அடிப்படையில் மாமூல் அரசியலுக்கு நாங்கள் ஆட்பட்டவர்கள் இல்லை. 2001ம் ஆண்டு நான் நேரடி அரசியலுக்கு வந்தபோது அன்று என்ன சவால்கள் இருந்ததோ இன்றும் சவால்கள் இருக்கின்றது. எந்த சலுகைகளுக்கும் சோரம் போகாமல் சமூகத்தின் இருப்பிற்காக எங்களை அர்ப்பணித்துள்ளோம்.

முஸ்லிம் காங்கிரஸ் கட்சி  பாரிய அபிவிருத்திகள் பற்றிப் பேசலாம். இன்று நாங்கள் செய்யும் அபிவிருத்திகளை விட பல மடங்கு கோடிக்கணக்கான ரூபாய்க்களை கொண்டு வரலாம். ஆனால் நமது சமூகம் எதிர்நோக்கும் மிகப் பெரும் ஆபத்துக்களை சிந்திக்காமல் அபிவிருத்தி எனும் வட்டத்திற்குள் அகப்பட முடியாது.

அழுத்கம சம்பவத்தின்போது நமது தாய்மார்கள் பட்ட வேதனை சொல்லவே முடியாது. உடமைகளையும், உயிர்களையும் இழந்து தவிர்த்த முஸ்லிம்கள் எந்தப் பாதுகாப்பும் இல்லாமல் தமது சொந்த மண்ணில் ஒளிந்து கொண்டு இரவுகளைக் கழித்தார்கள்.

அளுத்கம சம்பவத்தில் முதன் முதலாக நாங்கள் சென்றபோது அந்த மக்களின் உணர்வுகளோடு என்னை ஆட்படுத்திக் கொண்டேன். பல விடயங்களில் மிக தைரியமாகக் குரல் கொடுத்தேன்.

வழிபாட்டுத்தளங்கள் உடைக்கப்பட்டபோது உருப்படியான தண்டனைகள் வழங்கப்படாத நிலையில் சமூகத்திற்கான வழிகாட்டுதல்களை எப்படி செய்யப் போகின்றார்கள் என்ற எதிர்பார்ப்பு மக்களிடம் உள்ளது.

ஸ்ரீலங்கா முஸ்லிம் காங்கிரஸ் வரப்போகின்ற ஜனாதிபதித் தேர்தலில் எடுக்கப்போகின்ற முடிவு தேசிய அரசியலில் பெரும் தாக்கத்தை ஏற்படுத்தப் போகின்றது.

கடந்த ஊவா மாகாண சபைத் தேர்தலுக்கு முன்னர் அட்டாளைச்சேனையில் நடைபெற்ற கூட்டத்தில் மிகத் தெளிவாகக் குறிப்பிட்டிருந்தேன். நாட்டின் இன்றைய போக்கு எதிர்காலத்தில் முஸ்லிம்களுக்கு பாரிய சிக்கல்களை ஏற்படுத்தும். தங்களின் தீவிரவாதத்தை கட்டவிழ்த்துவிட்டு பர்மாவில் நடந்தது போன்று நிகழ்ச்சிகள் அரங்கேர பார்க்கின்றார்கள்.

இன்று பல கட்சிகளும் தங்களது முடிவுகளை எடுத்துவிட்டது. ஆனால் முஸ்லிம் காங்கிரஸ் தீர்மானம் எடுப்பதில் மிகப்பெரும் சிக்கலை எதிர்கொண்டுள்ளது. சமூகத்திற்காக பாடுபடும் கட்சி என்ற அடிப்படையில் முடிவுகளை நினைத்தவாறு எடுக்க முடியாது.

கடந்த கிழக்கு மாகாண சபைத் தேர்தலின் போது எமது கட்சிக்கு வழங்கப்பட்ட பல வாக்குறுதிகள் இன்னும் நிறைவேற்றப்படவில்லை. அது தொடர்பில் அவர்களது பதில்களை எழுத்து மூலம் கோரியுள்ளோம் என்றார்.

இந்த நிகழ்வில் கிழக்கு மாகாண நபை உறுப்பினர் ஏ.எல்.எம்.நஸீர், பிரதேச செயலாளர் முஸர்ரத், உதவித் தவிசாளர் எ.ல்.தாஜூதீன், சபை உறுப்பினர்கள் மற்றும் பொது அமைப்புக்களின் பிரதிநிதிகள் பலரும் கலந்து கொண்டனர்.
தென் கொரிய நாட்டு டி.வி. சீரியல்களைப்  பார்த்த வட கொரியாவை சேர்ந்த  50-க்கும் மேற்பட்டோர்களுக்கு  மரண தண்டனை கொடுத்துள்ளதாக  தென் கொரிய உளவுத்துறை அதிர்ச்சியான தகவல் ஒன்றை இன்று ஊடகங்களுக்கு வெளிப்படுத்தியுள்ளது. இதனால் இருநாடுகளிடையே பெரும் பதட்டம் ஏற்பட்டுள்ளது.

வட கொரியாவில் தென் கொரிய நாட்டு திரைப்படங்கள், வீடியோக்கள், மெமரி கார்டுகள் போன்ற பல பொருட்களின் விற்பனைக்கு தடை செய்யப்பட்டுள்ளது. இதனால் வடகொரியாவில் தென் கொரிய நாட்டின் எலக்ட்ரானிக் சாதனங்கள் கள்ளச்சந்தையில் அமோகமாக  விற்கப்பட்டு வந்தன.

இந்த திருட்டுச்  சந்தையைத் தடுக்க பல்வேறு நடவடிக்கைகள் எடுத்த வடகொரியா தென்கொரியாவின் திரைப்படங்களை பார்த்த சுமார் 50க்கும் மேற்பட்டவர்களை பிடித்து அவர்களுக்கு மரண தண்டனை கொடுத்துள்ளதாக தென்கொரிய உளவுத்துறை தெரிவித்துள்ளது. இதில் ஒருசிலர் அரசியல் கட்சிகளை சேர்ந்தவர்களும் உண்டு என்பது குறிப்பிடத்தக்கது. மேலும் ஒருசிலர் காணாமல் போய் கண்டுபிடிக்காதவர்களின் பட்டியலில் உள்ளதால் அவர்களும் இதே காரணங்களுக்காக கொலை செய்யப்பட்டிருக்கலாம் என அஞ்சப்படுகிறது.

இந்த தகவல் வெளியானதால்,  வட கொரிய மக்கள்  கடும்  அதிர்ச்சியடைந்துள்ளனர். அதோடு  சிலர் அரசின் கடுமையான நடவடிக்கைகளுக்கு எதிர்ப்பும் தெரிவித்து வருகின்றனர்.
 
50-க்கும் மேற்பட்டோர்களுக்கு  மரண தண்டனை கொடுத்துள்ளதாக  தென் கொரிய உளவுத்துறை அதிர்ச்சியான தகவல் ஒன்றை இன்று ஊடகங்களுக்கு வெளிப்படுத்தியுள்ளது. இதனால் இருநாடுகளிடையே பெரும் பதட்டம் ஏற்பட்டுள்ளது.
அமெரிக்காவில் தம்பதியினர் ஒருவர் தங்களுக்கு பிறக்கவிருக்கும் 13வது குழந்தையை பார்க்க ஆர்வத்துடன் இருக்கின்றனர்.

அமெரிக்காவின் மிச்சிகன் (Michigan) மாகாணத்தில் ஜே-கடெரி (Jay-Kateri) என்ற தம்பதியினர், தங்களது 12 மகன்களுடன் வசித்து வருகின்றனர்.



இவர்களுக்கு அடுத்த மே மாதம் பிறக்கவிருக்கும் 13 வது குழந்தை ஆணா, பெண்ணா என்பதை அறிந்துக்கொள்ள இருவரும் மிகுந்த எதிர்பார்ப்புடன் உள்ளனர்.

இதுகுறித்து இத்தம்பதியினர் கூறுகையில், எங்கள் வீட்டில் அனைத்து குழந்தைகளும் ஆண்களாக இருப்பதால் பெண் குழந்தை வருகைக்காக காத்திருக்கிறோம் என்றும் பெண்ணை பெறுவது புதிய அனுபவத்தையும் தரும் என நினைக்கிறோம் எனவும் மகிழ்ச்சியுடன் தெரிவித்துள்ளனர்.
மேலும் குழந்தையை ஸ்கேன் செய்து பார்க்க, இதுவரை ஒரு முறை கூட கடெரி முயன்றதில்லை என கூறப்படுகிறது.
மண்சரிவினால் பாதிக்கப்பட்ட மக்களுக்கு SFRD அமைப்பினால் மருத்துவ சேவை முகாம்

நேற்று கொஸ்லந்தை, மீரியாபெத்த பிரதேசத்தில் ஏற்பட்ட மண்சரிவினால் பாதிக்கப்பட்ட 300க்கும் அதிகமானவர்கள் பதுளை, கொஸ்லந்த தமிழ் மகா வித்தியாலயத்தில் அகதிகளாக தஞ்சமடைந்துள்ளனர்.

இவர்களுக்கான மருத்துவ உதவிகளில் நிவாரணத்துக்கும் அபிவிருத்திக்குமான செரண்டிப் நிறுவனம் (SFRD) ஈடுபட்டு வருகின்றது.





(ஹாசீப் யாஸீன்)
திகாமடுல்ல மாவட்ட பாராளுமன்ற உறுப்பினர் சட்டத்தரணி எச்.எம்.எம்.ஹரீஸின் நிதியொதுக்கீட்டின் மூலம் பொத்துவில் அல்-கலாம் முஸ்லிம் வித்தியாலயத்தின் நுழைவாயில் கோபுர நிர்மாணத்திற்கு அடிக்கல் நாட்டும் நிகழ்வு நேற்று பு (30) இடம்பெற்றது.

                       
கல்லூரியின் முதல்வர் எம்.ஐ.எம்.சமீம் தலைமையில் இடம்பெற்ற இந்நிகழ்வில் திகாமடுல்ல மாவட்ட பாராளுமன்ற உறுப்பினரும், கல்முனை தொகுதி அபிவிருத்தி ஒருங்கிணைப்புக் குழுத் தலைவருமான சட்டத்தரணி எச்.எம்.எம்.ஹரீஸ் பிரதம அதிதியாக கலந்து கொண்டு இதற்கான அடிக்கல்லினை நாட்டி வைத்தார்.

 இந்நிகழ்வில் கிழக்கு மாகாண உறுப்பினர் ஏ.எல்.எம்.நஸீர், பொத்துவில் பிரதேச சபையின் தவிசாளா் எம்.எஸ்.எம்.வாசித், பிரதித் தவிசாளா் எம்.தாஜூதீன் மற்றும் பிரதேச சபை உறுப்பினர்கள் பிரதி அதிபர்கள், ஆசிரியா்கள், மாணவா்கள், பெற்றோர்கள்  உட்பட பலரும் கலந்து கொண்டனர்.

 இந்நிகழ்வின் போது இவ்வருடம் ஐந்தாம் ஆண்டு புலமைப் பரிசில் பரீட்சையில் இப்பாடசாலையிலிருந்து 22 மாணவா்கள் தெரிவானதையிட்டு மாணவா்களுக்கும், கற்பித்த ஆசிரியா்களுக்கும், பாராளுமன்ற உறுப்பினா் தனது வாழ்த்துக்களையும், பாராட்டுக்களையும் தெரிவித்தார்.


(பைஷல் இஸ்மாயில் )
திகாமடுல்ல மாவட்ட பாராளுமன்ற உறுப்பினர் சட்டத்தரணி எச்.எம்.எம்.ஹரீஸின் பன்முகப்படுத்தப்பட்ட வரவு செலவுத் திட்ட நிதியிலிருந்து ரூபா 30 இலட்சம் நிதியொதுக்கீட்டில் பொத்துவில் பிரதேசத்தில் சுயதொழில் உபகரணங்களும் மற்றும் விளையாட்டுக் கழகங்களுக்கு உபகரணம் வழங்கும் வைபவம் நேற்று (29) புதன்கிழமை நடைபெற்றது.

 பொத்துவில் பிரதேச சபைத் தவிசாளர் எம்.எஸ்.ஏ.வாஸித் தலைமையில் பொத்துவில் பிரதேச செயலக கூட்ட மண்டபத்தில் நடைபெற்ற வைபவத்திற்கு பிரதம அதிதியாக பாராளுமன்ற உறுப்பினர் எச்.எம்.எம். ஹரீஸ் மற்றும் கிழக்கு மாகாண சபை உறுப்பினர் ஏ.எல்.எம்.நஸீர் ஆகியோர் கலந்து கொண்டனர்.

 இந்நிகழ்வில் கலந்து கொண்ட பாராளுமன்ற உறுப்பினர் எச்.எம்.எம்.ஹரீஸ் மற்றும் கிழக்கு மாகாண சபை உறுப்பினர் ஏ.எல்.எம்.நஸீர் ஆகியோர் தெரிவு செய்யப்பட்ட பயனாளிகளுக்கும் விளையாட்டுக் கழகங்களுக்கும் உபகரணங்களையும் விளையாட்டுப் பொருட்களையும் வழங்கி வைத்தனர்.

 இவ்வைபவத்தில் கிழக்கு மாகாண சபை உறுப்பினர் ஏ.எல்.எம்.நஸீர், பிரதேச செயலாளர் என்.எம்.எம்.முஸர்ரப் உட்பட பிரதேச சபை உறுப்பினர்களும் கலந்து கொண்டனர்.


இலங்கையில் 5 தமிழக மீனவர்களுக்கு தூக்கு தண்டனை விதிக்கப்பட்டதற்கு ராமேஸ்வரத்தில் பெரும் போராட்டம் வெடித்துள்ளதால் அப்பகுதியில் பதற்றமான சூழ்நிலை நிலவுகிறது. ராமேஸ்வரம் அருகே பேருந்து ஒன்றும் தீ வைத்து எரிக்கப்பட்டுள்ளது.

கடலுக்கு மீன்பிடிக்க சென்ற 5 மீனவர்கள் போதைப் பொருளை கடத்தியதாக 2011ஆம் ஆண்டு நவம்பர் 28-ந் தேதி கைது செய்யப்பட்டனர். இது தொடர்பான வழக்கில் இன்று கொழும்பு உயர்நீதிமன்றத்தில் 5 மீனவர்களுக்கும் தூக்கு தண்டனை விதித்துள்ளது.
ADVERTISEMENT

இது தமிழகத்தில் கடுமையான கொந்தளிப்பை ஏற்படுத்தியுள்ளது. ராமேஸ்வரம் - மதுரை சாலையில் பல்லாயிரக்கணக்கான மீனவர்கள் சாலை மறியலில் ஈடுபட்டுள்ளனர்.

மதுரை - ராமேஸ்வரம் சாலையில் 20க்கும் மேற்பட்ட இடங்களில் டயர்கள் கொளுத்தப்பட்டு தீ வைக்கப்பட்டுள்ளதால் போக்குவரத்து முற்றிலும் பாதிக்கப்பட்டுள்ளது.

இதேபோல் ராமநாதபுரம்- ராமேஸ்வரம் ரயில் பாதைகளில் தண்டவாளங்கள் பெயர்த்து எடுக்கப்பட்டு தீ வைத்துக் கொளுத்தப்பட்டுள்ளன. இதனால் ரயில் சேவையும் முடக்கப்பட்டுள்ளது.

இப்போராட்டத்தால் சென்னை புறப்பட வேண்டிய எக்ஸ்பிரஸ் ரயில் ராமேஸ்வரத்திலேயே நிறுத்தப்பட்டுள்ளது.
இந்தப் போராட்டங்களால் ராமேஸ்வரம் பகுதியே மிகுந்த கொந்தளிப்பாக பதற்றமாக காணப்படுகிறது.

பேருந்துக்கு தீ வைப்பு
இதனிடையே ராமேஸ்வரம் அருகே அக்காமடத்தில் பேருந்து ஒன்றுக்கு தீ வைக்கப்பட்டுள்ளது. இதனால் அப்பகுதியில் முற்றாக பேருந்து போக்குவரத்து நிறுத்தப்பட்டுள்ளது.

4 ரயில் சேவைகள் ரத்து
இந்த போராட்டங்களால் ராமேஸ்வரத்தில் இருந்து வெளியூர் செல்லும் சென்னை எழும்பூர், கன்னியாகுமரி, மதுரை செல்லக் கூடிய 4 ரயில் சேவைகள் ரத்து செய்யப்பட்டுள்ளன.

சுமார் 500 மீட்டர் தூரத்துக்கு தண்டவாளங்கள் தகர்க்கப்பட்டிருப்பதால் ரயில் சேவைகள் நிறுத்தப்படுவதாக அறிவிக்கப்பட்டுள்ளது.

போதைப் பொருள் கடத்தியதாக வழக்கு தொடர்ந்து 5 ராமேஸ்வரம் மீனவர்களுக்கு இன்று தூக்கு தண்டனை விதித்துள்ளது கொழும்பு உயர்நீதிமன்றம்.

ராமேஸ்வரத்தில் இருந்து 2011ஆம் ஆண்டு நவம்பர் 28ந் தேதி காலை 712 விசைப்படகுகளில் ராமேஸ்வரம் மீனவர்கள் மீன் பிடிக்க கடலுக்கு சென்றனர். அவர்கள் கச்சத்தீவு அருகே மீன் பிடித்துக் கொண்டிருந்த போது அங்கு ரோந்து வந்த இலங்கை கடற்படையினர் தங்கச்சிமடத்தை சேர்ந்த கிளாடுவின் படகில் சென்ற மீனவர்கள் எமர்சன், பிரசாந்த், வின்சென்ட், அகஸ்டீஸ், போல்டேத் ஆகியோரை சிறை பிடித்து சென்றனர்.

அவர்களின் படகுகளையும் பறிமுதல் செய்தனர். சிறை பிடித்துச் செல்லப்பட்ட மீனவர்கள் 5 பேரும் நெடுந்தீவு கடற்படை முகாமில் தங்க வைக்க்கப்பட்டு பின்னர் அவர்கள் மீது போதைப் பொருள் கடத்தி வந்ததாக ஊர்காவல்துறை போலீசார் வழக்குப் பதிவு செய்தனர்.

இது தமிழகத்தில் பெருங்கொந்தளிப்பை ஏற்படுத்தியது. இந்த வழக்கில் மேலும் 3 இலங்கையர்களும் சேர்க்கப்பட்டு மொத்தம் 8 பேர் மீது வழக்கு விசாரணை நடைபெற்று வந்தது.

இந்த நிலையில் இன்று இந்த வழக்கை விசாரித்து தீர்ப்பளித்த கொழும்பு உயர்நீதிமன்றம் 5 ராமேஸ்வரம் மீனவர்கள் உட்பட 8 பேருக்கும் தூக்கு தண்டனை விதித்து தீர்ப்பளித்துள்ளது.
ADVERTISEMENT

இது தமிழகத்தில் பெரும் பதற்றத்தை ஏற்படுத்தியுள்ளது.
மாணவனின் கன்னத்தை கிள்ளியதற்காக ஆசிரியைக்கு ரூ.50,000 அபராதம் கேட்டு தொடரப்பட்டுள்ள வழக்கு சென்னையில் பரபரப்பை ஏற்படுத்தியுள்ளது.
விஷப்பாம்பு கடித்து விட்டால் 13 வயது சிறுமி ஒருவரின் கால் மிக ஒல்லியாக கரிக்கட்டை போன்று மாறியுள்ளது.

வெனிசுலாவைச் சேர்ந்த சிறுமி ஒருவரை ஒரு மாதத்திற்கு முன்பு விஷப்பாம்பு ஒன்று காலில் கடித்துள்ளது.


இதையடுத்து அந்த சிறுமிக்கு விஷத்தை முறிக்கும் மருந்தை கொடுக்காமல் ஆண்டிபயாட்டிக்ஸ் கொடுக்கப்பட்டுள்ளது.

இந்நிலையில் பாம்பு கடித்து ஒரு மாதம் கழித்து அவரது கால் கருப்பாக மாறியதோடு சுருங்கி போயுள்ளது.

அந்த சிறுமியை பரிசோதித்த மருத்துவர்கள் சிறுமியின் காலில் உள்ள செல்கள் இறந்து போய்விட்டதாக தெரிவித்துள்ளனர்.

இதுகுறித்து லிவர்பூல் மருத்துவர் அருண் கோஸ் கூறுகையில், சிறுமியின் காலை நீக்க வேண்டும் என்றும், காலை நீக்கினாலும் உடம்பு முழுவதும் உள்ள செல்கள் இறந்து அதனால் சிறுநீரகம் பாதித்து சிறுமி உயிரிழக்க கூடும் எனவும் தெரிவித்துள்ளார்.

போர்க்குற்றத்தில் ஈடுபட்டதாக குற்றம் சாட்டப்பட்ட வங்கதேச முக்கிய பிரமுகர் மதியூர் ரஹ்மான் நிஜாமிக்கு மரண தண்டனை விதித்து சர்வதேச தலைமை தீர்ப்பாயம் நேற்று தீர்ப்பு அளித்துள்ளது. தீர்ப்பை கேட்ட நிஜாமி கடும் அதிர்ச்சி அடைந்தார்.

கடந்த 1971ஆம் ஆண்டு பாகிஸ்தானில் இருந்து வங்கதேசம் பிரியும்போது ஏற்பட்ட போரில் மனித உரிமைகளை மீறி ஏராளமான பொதுமக்கள் மரணம் அடைய காரணமாக இருந்ததாக ரஹ்மான் நிஜாமி மீது சர்வதேச தீர்ப்பாயத்தில் வழக்கு தொடரப்பட்டது. சுமார் 40ஆண்டுகாலம் நடந்த இந்த வழக்கில் அவர் மீது சாட்டப்பட்டிருந்த 16 குற்றங்களில் 8 குற்றங்கள் ஆதாரபூர்வமாக நிரூபிக்கப்பட்டதால் அவருக்கு மரண தண்டனை வழங்குவதாக,  3 நபர்கள் கொண்ட தலைமை தீர்ப்பாயம் நேற்று தீர்ப்பு அளித்தது.

200 பக்கங்கள் கொண்ட இந்த தீர்ப்பை நீதிபதி ஒருமணி நேரமாக நீதிமன்றத்தில் வாசித்தார். இந்த தீர்ப்பை கேட்ட நிஜாமி நீதிமன்ற வளாகத்திலேயே அதிர்ச்சி அடைந்து மயக்கமுற்றதாக செய்திகள் தெரிவிக்கின்றன. நிஜாமிக்கு கொடுக்கப்பட்ட தீர்ப்பை அடுத்து வங்கதேசத்தில் பதட்டம் நிலவுவதாக அந்நாட்டு ஊடகங்கள் தெரிவித்து வருகின்றன. பதட்டத்தை தணிக்க பாதுகாப்பு ஏற்பாடுகள் பலப்படுத்தப்பட்டுள்ளன.
ஆப்பிரிக்க நாடுகளில் ஒன்றான ஜாம்பியா நாட்டின் அதிபர் திடீரென நேற்று லண்டன் மருத்துவமனையில் மரணம் அடைந்தார். அவருக்கு வயது 77. இவர் சில மாதங்களாக மர்ம நோய் ஒன்றினால் பாதிக்கப்பட்டு லண்டனில் சிகிச்சை பெற்று வந்தார். இந்நிலையில் நேற்று அவர் சிகிச்சைக்கு பலனின்றி மரணம் அடைந்துவிட்டதாக அறிவிக்கப்பட்டது. இந்த தகவலை ஜாம்பியா மந்திரிசபை செயலாளர் ரோலண்ட் சிஸ்கா உறுதி செய்தார்.

ஜாம்பியா அதிபர் மைக்க்லே சட்டா எந்த நோயால் பாதிக்கப்பட்டிருந்தார் என்பதை லண்டனை மருத்துவமனை மருத்துவர்கள் அறிவிக்க மறுத்துவிட்டனர். கடந்த ஜூன் மாதத்தில் இருந்தே அவர் பொதுநிகழ்ச்சிகளில் கலந்து கொள்ளாமல் அத்பர் மாளிகையிலேயே இருந்தார்.

கடந்த மாதம் ஐ.நா. சபை நிகழ்ச்சிகளில் கலந்துகொள்ள அவர் அமெரிக்கா சென்றாலும், ஐநா சபையில் கலந்து கொள்ளாமல் ஓட்டல் அறையிலேயே ஓய்வு எடுத்ததாக கூறப்பட்டது.

ஜாம்பியா அதிபர் மறைவிற்கு உலக தலைவர்கள் இரங்கல் செய்திகள் தெரிவித்து வருகின்றனர். மாற்று அதிபரை தேர்வு செய்ய ஜாம்பியா மந்திரிசபை இன்று கூடுகிறது
சர்வதேச விண்வெளி நிலையத்திற்கு பொருட்களை எடுத்து செல்ல புறப்பட்ட அமெரிக்க ஏவுகணை ஒன்று வெடித்து சிதறியுள்ளது.

அமெரிக்காவின் கிழக்கு வெர்ஜினியாவில் (Virginia) உள்ள நாசா ஏவு தளத்திலிருந்து, நேற்று மாலை 6.22 மணிக்கு கிளம்பிய ஆண்டெரஸ் (Antares) என்ற ஆளில்லா ஏவுகணை பயங்கர சத்ததுடன் வெடித்துள்ளது.


சுமார் 5,055 பவுண்ட்ஸ் எடை கொண்ட இந்த ஏவுகணை உபகரணங்களோடு சர்வதேச விண்வெளி நிலையத்திற்கு அனுப்பப்பட்டபோது, திடீரென விபத்துக்குள்ளதானதில் தீப்பிழம்புகள் ஏற்பட்டு சேதமடைந்துள்ளது.
மேலும் விண்ணில் ஏவுகணை பாய்ந்த 6 நொடிகளிலேயே, எதிர்பாராதவிதமாக இந்த விபத்து நிகழ்ந்துள்ளது.

தற்போது இது தொடர்பாக விசாரணை நடத்த நாசா உத்தரவிட்டுள்ளது. இதற்கிடையே இந்த விபத்து நாசாவின் ஆய்வாளர்களை அதிர்ச்சியில் ஆழ்த்தியுள்ளதாக கூறப்படுகிறது.
(add)
கொஸ்லாந்தை – மீறியபெத்த தோட்டத்தில் இடம்பெற்ற இயற்கை அனர்த்தத்தில் உயிரிழந்த மலையக மக்களுக்கு அஞ்சலி செலுத்தும் வகையில் மலையகமெங்கும் ஒருவார காலம் துக்க தினம் அனுஸ்டிக்க வேண்டும் என மலையக சிவில் அமைப்புக்கள் கோரிக்கை விடுத்துள்ளன.

மலையக சிவில் அமைப்புக்களான மலையக சமூக ஆய்வு மையம், அடையாளம் மற்றும் மலையக பாட்டாளிகள் கழகம் என்பன இணைந்து வெளியிட்டுள்ள அனுதாபச் செய்தியில் இவ்வாறு கோரிக்கை விடுக்கப்பட்டுள்ளது.

அந்த செய்தியில் மேலும் தெரிவிக்கப்பட்டுள்ளதாவது,

பதுளை – கொஸ்லாந்தை – மீறியபெத்த தோட்டத்தில் ஏற்பட்ட அனர்த்தம் முழு நாட்டையும் குறிப்பாக மலையக மக்களை சோகத்தில் ஆழ்த்தியுள்ளது. இயற்கையோடு போராடி மலையக தேசத்தை உருவாக்கியவர்களின் வழித்தோன்றல்களை இயற்கையே பலிகொண்டுள்ளது.

மரணித்த அனைவரது ஆத்மாக்களும் சாந்தியடைய பிரார்த்திப்பதோடு மரணத்தால் சோகத்தில் ஆழ்ந்துள்ள அனைவருக்கும் அனுதாபத்தை தெரிவித்துக் கொள்கிறோம்.

அத்தோடு மரணித்த மலையக சொந்தங்களை நினைவுகூர்ந்து உணர்வுபூர்வமாக ஒருவார காலம் துக்க தினம் அனுஸ்டிக்குமாறும் ஒவ்வொரு வீடுகளிலும் வாகனங்களிலும் வேலைத்தளங்களிலும் வெள்ளைக் கொடிகளை பறக்கவிடுமாறும் வேலை மற்றும் அலுவலகங்கள் செல்வோர் கறுப்பு பட்டி அணிந்து துக்கத்தை வெளிப்படுத்த வேண்டும் என்றும் மலையக மண் சார்பில் கேட்டுக் கொள்கிறோம்.
மருதமுனை சம்ஸ் மத்திய கல்லுாரியின் புதிய அதிபராக எஸ்.எம்.அமீர் நியமிக்கப்பட்டுள்ளார்
                     
 உடனடியாக செயற்படும் வண்ணம் இந்நியமனம் வழங்கப்பட்டுள்ளது.
                   தற்போதைய அதிபராகவுள்ள ஏ.ஆர்.எம்.தௌபீக் எதிர் வரும் 30 ஆம் திகதி ஓய்வு பெற நவம்பர் 1ஆம் திகதி புதிய அதிபர் கடமையேற்கவுள்ளதாக பாடசாலை அபிவிருத்திக் குழுவின் செயலாளர் அப்பாஸ் நியாஸ் தெரிவித்துள்ளார்
              கல்வி நிருவாக சேவை உத்தியோகத்தரான அமீர் சம்மாந்துறை வலயக் கல்வி அலுவலகத்தின் முகாமைத்துவத்திற்கான பிரதிக்கல்விப் பணிப்பாளராக கடமையாற்றுகின்றார்
(wn-ls)
இங்கிலாந்தில் மனைவி, மகள்களை கொலை செய்து விட்டு நபர் ஒருவர் தற்கொலை செய்து கொண்ட சம்பவம் பரபரப்பை ஏற்படுத்தியுள்ளது.

இந்தியாவை பூர்வீகமாக கொண்டவர் ஜதீந்திர லாட் ( 49). இவரது மனைவி துக்ஷா (44), மகள்கள் திரிஷா (19), நிஷா (17) ஆகியோருடன் இங்கிலாந்து நாட்டின் வடக்கு பகுதியில் உள்ள கிளேட்டன் என்ற அழகிய கிராமத்தில் வசித்து வருகின்றனர்.



அக்கம்பக்கத்தினருடன் இணக்கமான நல்லுறவை பராமரித்து வந்துள்ளனர்.
தொடர்ந்து சில நாட்களாக இவர்களது வீடு திறக்கப்படாமல் இருந்தது, இதுபற்றி அதிர்ச்சியும், கவலையும் அடைந்த அக்கம்பக்கத்தினர், பொலிசில் புகார் செய்தனர்.

பொலிசார் விரைந்து சென்று, அவர்களது வீட்டுக்கதவை உடைத்து உள்ளே சென்றனர். அங்கே ஜதீந்திர லாட், மனைவி, மகள்கள் என ஒட்டுமொத்த குடும்பத்தினரும் மர்மமான முறையில் இறந்து கிடந்ததை கண்டு அதிர்ச்சி அடைந்தனர்.

அவர்களது உடல்களை கைப்பற்றிய பொலிசார், பிரேத பரிசோதனைக்கு அனுப்பி வைத்தனர்.

மனைவி, மகள்களை கொலை செய்துவிட்டு, ஜதீந்திர லாட் தூக்கு போட்டு தற்கொலை செய்திருக்கலாம், சம்பவம் நடந்து இரண்டு, மூன்று தினங்கள் ஆகி இருக்கலாம் என ஆரம்ப கட்ட விசாரணையில் தெரியவந்துள்ளது.
2 லட்சத்து 35 ஆயிரம் பவுண்ட் (சுமார் ரூ.2 கோடியே 35 லட்சம்) மதிப்புள்ள ஜதீந்திர லாட் வீட்டுக்கு பொலிஸ் பாதுகாப்பு போடப்பட்டுள்ளது.

தடயங்களை சேகரிப்பதற்காக தடயவியல் வல்லுனர்கள் அழைக்கப்பட்டுள்ளனர். அந்த கிராமத்திற்கு ஜதீந்திர லாட் 20 ஆண்டுகளுக்கு முன்பு வந்ததாகவும், 8 ஆண்டுகளுக்கு முன்பு இந்த வீட்டில் குடியேறியதாகவும் தகவல்கள் தெரிவிக்கின்றன.

(பைஷல் இஸ்மாயில்)
அட்டாளைச்சேனை அந் - நூர் மகா வித்தியாலயத்தில் உள்ள விளையாட்டு மைதானத்துக்கு மிக நீண்ட காலத் தேவையாக இருந்து வந்த பார்வையாளர் அரங்கம் அமைப்பதற்கான வேலைத்திட்டங்களை ஆரம்பித்து வைப்பதற்கு கிழக்கு மாகாணசபை உறுப்பினர் ஏ.எல்.எம்.நஸீர் மற்றும் அட்டாளைச்சேனை பிரதேச சபை உறுப்பினர் எஸ்.எல்.முனாஸ்ஆகியோர் அங்கு விஜயம் செய்தனர்.


பாடசாலை அதிபர் ஏ.இத்ரீஸ் தலைமையில் இடம்பெற்ற இந்நிகழ்வில் ஆசிரியர்கள் உள்ளிட்ட பலர் கலந்து கொண்டனர்.


சுமார் 2000 மாணவர்கள் கல்வி கற்கும் இப்பாடசாலையின் முகப்புத்தோற்றத்தில் அமைந்துள்ள இம்மைதானம் மாணவர்களின் விளையாட்டுத்துறைக்கு முக்கிய தேவையாக இருந்து வருவதுடன் அட்டாளைச்சேனை கோணாவத்தைக்கிராமத்தில் விளையாட்டு மைதானம் ஒன்று அமைந்துள்ளது என்ற பெருமையையும் கொண்டுள்ளது.


இம்மைதானத்துக்காக பொருளாதார அமைச்சின் கமநெகும திட்டத்தின் கீழ் அட்டாளைச்சேனை பிரதேச சபை உறுப்பினர் எஸ்.எல்.முனாஸின் கோரிக்கைக்கு அமைவாக பார்வையாளர் மண்டபத்துக்கு நிதி ஒதுக்கப்பட்டு அந்நிதியில் பார்வையாளர் மண்டபத்தின் முதற்கட்ட வேலையை ஆரம்பிக்க இருக்கும் இடத்தினை பார்வையிடுவதற்கு சென்றிருந்தனர்.




| Copyright © 2013 AlishNews